सरकारले मुलुकका सातै प्रदेशमा प्राविधिक शिक्षा तथा व्यवसायिक तालिम परिषद् (सिटिइभिटी) को कार्यालय राख्ने तयारी गरेको छ।
प्राविधिक शिक्षामा सबै वर्गको पहुँच पुर्याउन प्रदेशस्तरमा पनि कार्यालय सञ्चालन गर्ने तयारी गरिएको हो।
शिक्षा, विज्ञान तथा प्रविधिमन्त्री गिरिराजमणि पोखरेलले सबै प्रदेशमा कार्यालय स्थापना गर्ने निर्णय गर्दै संभाव्यता अध्ययन, नीतिगत र कानूनी व्यवस्थाबारे छलफल अघि बढाउन मातहतका निकायलाई निर्देशन पनि दिएका छन्।
प्राविधिक शिक्षाले रोजगारीको सिर्जना गरी देशलाई सम्वृद्धिको बाटोमा लैजान सहयोग गर्ने विश्वासका साथ प्रदेशबाट पनि सिटिइभिटीका सेवा सुरु गर्न लागिएको मन्त्रालयले जनाएको छ।
सिटिइभिटीले पनि अधिकार सम्पन्न प्रादेशिक कार्यालय सञ्चालन गरी प्राविधिक शिक्षालय स्थापना गर्ने तयारी गरेको थियो।
प्रदेशमा नमूना बहुप्राविधिक शिक्षालय सञ्चालन गरी परिषद्ले गर्ने सबै कार्यक्रम त्यहीबाट सञ्चालन गर्न सकिने बताएको छ। संघीयता अनुसार अरु निकायको ढाँचा तयार भए पनि सिटिइभिटीको संघीय स्वरूप तयार भएको थिएन।
अहिले सिटिइभिटीको केन्द्रीय कार्यालय सानोठिमी भक्तपुरमा छ। यसका क्षेत्रीय कार्यालय चितवनको भरतपुर, सुनसरीको इटहरी र बाँकेको कोहलपुरमा छ।
सिटीइभिटी अन्तरगत राष्ट्रिय सीप परीक्षण समिति, परीक्षा नियन्त्रक कार्यालय तथा प्राविधिक प्रशिक्षण प्रतिष्ठान छ।
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फाल्गुण २८, ललितपुर । ललितपुरको टीकाभैरवदेखि तिनपाने भन्ञ्याङ, भट्टेडाँडा, काल्चे, बगुवा हुँदै मकवानपुरको ठिङ्गन भएर हेटौँडा
फागुन २१, काठमाडौं। प्रधानमन्त्री पुष्पकमल दाहाल ‘प्रचण्ड’ ले नेपाली राजनीति पुनः नयाँ मोडमा आइपुगेको भन्नुहुँदै आफू
ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका