काठमाडौं, साउन ५, २०८२
नेकपा (एमाले) का वरिष्ठ उपाध्यक्ष ईश्वर पोखरेलले पार्टीको प्रस्तावित विधानमा “प्रथम वरीयताको उपाध्यक्ष” पद व्यवस्था गरी “व्यवस्थापकीय (व्युरोक्रेटिक)” शैली अख्तियार गर्न लागिएमा असन्तुष्टि जनाएका छन्।
आइतबार बिहान प्रधानमन्त्री केपी शर्मा ओलीसँग भएको डेढ घण्टे लामो वार्तामा पोखरेलले महाधिवेशनबाट स्वीकृत “वरिष्ठ उपाध्यक्ष” को पदावधि हटाई, कर्मचारीतन्त्रको ढाँचामा “प्रथम वरीयताको उपाध्यक्ष” घोषणा गर्ने प्रस्तावलाई अस्वीकार्य बताएका थिए।”७० वर्षे उमेर सीमा तपाईंको माग थियो” : ओली बालुवाटारका एक सूत्रका अनुसार, प्रधानमन्त्री ओलीले पोखरेलको आपत्तिलाई यसरी प्रत्युत्तर दिए: “तपाईंले नै ७० वर्षको उमेर सीमा लागू गर्न माग गर्नुभएकोले यो पद रद्द गरिएको हो। अहिले तपाईंभन्दा वरिष्ठ उपाध्यक्ष बन्न योग्य व्यक्ति मैले देख्दिन।”तर, पोखरेलसँग नजिकको एक नेताले बताए अनुसार, उनको मुख्य आपत्ति वरिष्ठ उपाध्यक्ष पद हटाइएकोमा भन्दा पनि “प्रथम वरीयता” को नयाँ व्यवस्थाप्रति रहेको छ। पोखरेलले यो परिवर्तन उनको नीतिगत भूमिकालाई कमजोर पार्ने योजनाबद्ध प्रयासको रूपमा लिएका छन्।
लोकतन्त्रीकरण र उमेर सीमाको माग सोही नेताका अनुसार, पोखरेलले वार्तामा पार्टीको आन्तरिक लोकतन्त्र, उमेर सीमा र कार्यकाल निर्धारणलाई प्राथमिकता दिए। उनले यसमाथि आरोप लगाए: “माओवादी र कांग्रेसनजीकका मिडियामार्फत मेरो वरिष्ठ उपाध्यक्ष पद ‘खोसिने’ भन्ने प्रचार पहिले नै गराइएको थियो। ११ औं महाधिवेशनसम्म यो पद अटल छ। ७० वर्षे सीमा लगाएर अध्यक्ष पदको दावेदारीबाट मलाई टाढा गर्ने षड्यन्त्र भइरहेको छ।”भण्डारी प्रसंग र ओली-पोखरेल भेट दुई नेताबीच यो भेट शनिबार पोलिटब्युरो बैठकपछि ओलीले नै आग्रह गरी तय पारिएको थियो। वार्तामा पोखरेलले पूर्वअध्यक्ष विद्या भण्डारीको सम्मानजनक व्यवस्थापन गर्न ओलीलाई सुझाव दिए।
उनले यो पनि स्मरण गराए कि ओली र अन्य नेताहरूले नै भण्डारीलाई “अध्यक्ष वा प्रधानमन्त्री” बनाउने आश्वासन दिएका थिए।यसबीच, ओलीनजिकका नेताहरूले यस भेटलाई पोखरेलले आगामी महाधिवेशनमा वरिष्ठ उपाध्यक्ष पद कायम गर्न प्रधानमन्त्रीलाई प्रभाव पार्ने प्रयासको रूपमा व्याख्या गरेका छन्।
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मंसिर १७, काठमाडौं। सहरी विकास, ऊर्जा, जलस्रोत तथा सिँचाइ, र भौतिक पूर्वाधार तथा यातायातमन्त्री कुलमान
२०८२ मंसिर २, रुपन्देही । मजदुर नेता कमल गौतमको निधन भएको १९ दिन बितिसक्दा पनि
काठमाडौँ, कार्तिक २६।भीम रावल नेतृत्वको मातृभूमि जागरण अभियान र *नेपाल कम्युनिस्ट पार्टी (नेकपा)*बीच ७ बुँदे
कात्तिक १९, फिदिम, । श्रम संस्कृति पार्टीका अध्यक्ष हर्कराज साम्पाङले श्रमको मूल्य र संस्कृतिको प्रसारबाट
