सम्पत्ति शुद्धीकरणसम्बन्धी विधेयक पारित

माघ २५,काठमाडौँ  । सहकारी संस्थामा व्यक्तिगत बचतको सीमा नरहने गरी प्रतिनिधि सभाले सम्पत्ति शुद्धीकरण (मनी लाउन्डरिङ) निवारण तथा व्यावसायिक वातावरण प्रवर्धनसम्बन्धी विधेयक पारित गरेको छ ।

कानुन, न्याय तथा मानव अधिकार समितिको प्रतिवेदन अनुसार प्रतिनिधि सभाले बुधबार विधेयक पारित गरेको हो । गत असोज २४ गते नै समितिले प्रतिवेदन पारित गरे पनि अघिल्लो अधिवेशनमा पारित हुन सकेको थिएन । चालु अधिवेशनमा प्रतिनिधि सभाले पारित गरेको यो पहिलो विधेयक हो ।

सम्पत्ति शुद्धीकरण तथा आतङ्ककारी कार्यमा वित्तीय लगानी निवारण र व्यावसायिक वातावरण प्रवर्धनका लागि भन्दै सरकारले १९ कानुन एकै पटक संशोधन अघि बढाएको थियो । अघिल्लो संसद्मा पनि उक्त विधेयक सरकारले ल्याएको थियो । तर विधेयक पारित नभई प्रतिनिधि सभाको कार्यकाल सकिएसँगै निष्क्रिय भएको थियो । नयाँ संसद्मा सरकारले सुरुवातबाटै विधेयक अघि बढाएको थियो । विधेयकले नेपाल राष्ट्र बैङ्क ऐन, सहकारी ऐन, बिमा ऐन, मालपोत ऐन, पर्यटन ऐनलगायत १९ ऐन संशोधन अघि बढाइएको थियो ।

सरकारले प्रस्ताव गरेको विधेयकमा समितिले केही मुख्य परिवर्तन गरेको छ । सहकारीमा बचतको सिलिङ तोक्ने सरकारको प्रस्ताव समितिले हटाएको छ । सहकारी ऐन २०७४ को दफा ५२ संशोधन गरेर सरकारले विधेयकमा व्यक्तिगत बचत सीमा २५ लाख रुपियाँमा नबढ्ने व्यवस्था प्रस्ताव गरेको थियो । तर समितिले उक्त व्यवस्था हटाएको छ । उक्त व्यवस्था हटाउन नेकपा (एमाले), माओवादी केन्द्रलगायतका सांसदको संशोधन थियो । यस्तै समितिले अन्तर्राष्ट्रिय सीमाबाट कम्तीमा पाँच  किलोमिटर दुरीमा मात्र क्यासिनो सञ्चालन अनुमति दिने व्यवस्था गरेको छ । सोही व्यवस्था सभाले पनि पारित गरेको छ । सरकारले तीन किलोमिटरको दुरीको प्रस्ताव गरेको थियो । यस्तै एक कम्पनीले एकभन्दा बढी क्यासिनो सञ्चालन अनुमति नपाउने व्यवस्था पनि पारित विधेयकमा छ ।

सहकारी अनुगमनसम्बन्धी सुपरिवेक्षणको व्यवस्था पनि विधेयकमा परिमार्जनसहित पारित भएको छ । २५ करोड रुपियाँभन्दा कम कारोबार हुने र २५ करोडभन्दा बढी सेयर कारोबार भएको सहकारीको अनुगमन तथा निरीक्षण राष्ट्र बैङ्कले गर्ने व्यवस्था सरकारले प्रस्ताव गरेकोमा पारित विधेयकले ५० करोड रुपियाँ पु¥याएको छ ।

प्रतिक्रिया दिनुहोस्
सम्बन्धित वर्गका समाचारहरू

रसुवा–भोटेकोशी बाढीमा बेपत्ताको दाबी पेस गर्न दोस्रो सूचना जारी

काठमाडौँ, मङ्सिर ६ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले रसुवा–भोटेकोशी बाढीमा परी बेपत्ता

एकता र निर्वाचनको कसीमा एमालेको राष्ट्रिय भेला

मंसिर ३, २०८३, काठमाडौ । एकताबद्ध सन्देश र भावी चुनावी तयारीसँगै कार्यान्वयनको विश्वसनीयता नै यस

नयाँदिल्लीमा ‘नेपाल कलिङ’ : पर्यटन र हवाई सम्पर्कमार्फत द्विपक्षीय सम्बन्ध सुदृढ बनाउन मन्त्री पौडेलको जोड

काठमाडौँ, मङ्सिर ३ गते । संस्कृति, पर्यटन तथा नागरिक उड्डयनमन्त्री खडक राज पौडेल ‘गनेस’ले पर्यटन,

काठमाडौँमा वायु प्रदूषण नियन्त्रण कार्ययोजना आउँदै

मंसिर ३, काठमाडौँ । काठमाडौँ महानगरपालिकाले उपत्यकामा बढ्दो वायु प्रदूषण नियन्त्रणका लागि विशेष कार्ययोजना सार्वजनिक

स्थानीय चुनावलक्षित एमालेको राष्ट्रिय भेला हुँदै

२०८३ कात्तिक ३०,काठमाडौं । नेकपा (एमाले) ले आगामी मंसिर २ र ३ गते काठमाडौंमा राष्ट्रिय

सर्वोच्च अदालतमा चार न्यायाधीश नियुक्त

कार्तिक २७,काठमाडौं । राष्ट्रपति रामचन्द्र पौडेलले सर्वोच्च अदालतको न्यायाधीश पदमा चार जनालाई नियुक्त गरेका छन्।