भाईरल ज्वरोका कारण एमाले अध्यक्ष ओली अस्वस्थ

३ वैशाख,काठमाडौं। नेकपा (एमाले) का अध्यक्ष एवं पुर्व प्रधानमन्त्री केपी शर्मा ओली अस्वस्थ भएका छन् ।भाईरल ज्वरोका कारण अध्यक्ष ओलीको स्वास्थ्यमा केही समस्या देखिएको सामाजिक संजाल मार्फत जानकारी गराएका छन् ।

ओलीले लेखेका छन् “अहिले म एन्टिबायोटिक औषधि खाएर निवासमै आराम गरिरहेको छु । तनहुँ, चितवन र बारामा वैशाख १० गते हुने उपनिर्वाचनमा हाम्रा पार्टीका उम्मेदवारहरुको चुनावी अभियानमा सहभागि हुने मेरो इच्छा थियो । तर, अहिले म ती कार्यक्रमहरुमा सहभागि हुन सकिरहेको छैन । तनहुँ– १ मा सर्वेन्द्र खनाल, चितवन–२ मा राम न्यौपाने र बारा–२ मा पुरुषोत्तम पौडेललाई हामीले उम्मेदवार बनाएका छौं । तपाईंहरुको प्रतिनिधित्वका लागि उहाँहरु योग्य उम्मेदवार हुनुहुन्छ । उहाँहरुलाई विजय गराउनुहुन तनहुँ–१, चितवन–२ र बारा–२ का आम मतदाताहरु समक्ष म विनम्र आग्रह गर्दछु ।”

अध्यक्ष ओलीले स्वास्थ्य अवस्था ठीक भएपछि उपयुक्त समयमा जनतालाई भेट्न आउने प्रतिज्ञा गर्दै तीनैजना उम्मेदवाारहरुलाई विजयको शुभकामना समेत व्यक्त गरेका छन् ।