प्रधानमन्त्री दाहालले देशकै वेइज्जत गरेकोमा प्रवासी नेपाली मञ्चद्वारा खेद व्यक्त

१६ फागुन, काठमाडौं । प्रवासी नेपाली मञ्च अन्तर्राष्ट्रिय कमिटीले प्रधानमन्त्री पुष्पकमल दाहाल प्रचण्डप्रति खेद व्यक्त गरेको छ । प्रधानमन्त्रीले परराष्ट्रमन्त्री विमला राई (पौडेल)लाई जेनेभा जान रोकेर देशकै वेइज्जत हुने काम गरेको मात्र नभई परदेशमा रहेका नेपालीहरूको सिर झुकाउने काम गरेकाले खेद व्यक्ति गरिएको जनाइएको छ ।

प्रवासी नेपाली मञ्च, अन्तर्राष्ट्रिय कमिटीमा उपसचिव तथा प्रचार विभाग प्रमुख चानक पोखरेलले एक विज्ञप्ति जारी गर्दै प्रचण्डको पछिल्लो हरकत देशलाई विदेशीको खेल मैदान बनाउने प्रपञ्च भएको दावी गरेका छन् । प्रधानमन्त्री प्रचण्डको यो खेल आफूसँगै देशलाई फसाउने आत्घाती निर्णय भएको विज्ञप्तिमा उल्लेख छ ।

विदेशीको इशारामा देशको जिम्मेवार पार्टी नेकपा (एमाले) माथिको सुनियोजित हमलाले देशलाई सधैं अस्थिर बनाउने काममा प्रचण्डले नेतृत्व गरेको उल्लेख गर्दै विज्ञप्तिमा भनिएको छ एकमिनेट पनि मुलुकको कार्यकारी पदमा बसिरहन अनैतिक भएकाले राजीनामा दिन माग समेत गरिएको छ ।