आज गुरुङ समुदायको महान पर्व ‘तमु ल्होसार’ देसभर सार्वजनिक विदा

१५ पुस,काठमाडौं । आज गुरुङ समुदायको महान पर्व ‘तमु लोसार’ को अवसरमा सरकारले देशभर सार्वजनिक विदा घोषणा गरेको छ । पुरानो वर्षलाई बिदाइ गरी नयाँ वर्षलाई स्वागत गरेर  आज पुस १५ गते ‘तमु ल्होसार’ पर्व मनाइने चलन रहेको छ ।

गुरुङ समुदायले पुरानो वर्षलाई बिदाइ गरी नयाँ वर्षलाई स्वागत गरेर  आज पुस १५ गते ‘तमु ल्होसार’ पर्व मनाउँदैछन्। आजबाट क्रमशः रात छोटो र दिन लामो हुने प्रक्रिया पनि सुरु हुने भएकोले यो दिनको विशेष र ऐतिहासिक महत्व रहेको छ ।

‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको गुरुङ समुदायको विश्वास छ। ‘तमु ल्होसार’ पर्व सूर्यको किरणसँग सम्बन्धित छ। गुरुङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा सूर्यको ताप पहिले आउने भएकाले पुस १५ मा यो पर्व मनाउने गरिएको हो। 

यसपछि क्रमशः तामाङ र शेर्पा जातिको बसोबास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ। यसअवसरमा आज टुँडिखेलमा विशेष कार्यक्रम गरिने गुरुङ समाजले जनाएको छ।