काठमाडौं, ३ चैत्र: नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेसँग चुनावमा तालमेलको सम्भावनाको ढोका बन्द नभएको बताएका छन् । आज बुटवलमा प्रेस सेन्टरले आयोजना गरेको पत्रकार सम्मेलनमा उनले राजनीतिमा असम्भव भन्ने नभएको बताउँदै त्यस्तो ढोका बन्द नभएको स्पष्ट पारे ।
‘राजनीतिमा असम्भव भन्ने केही हुँदैन,’ एमालेसँग चुनावी तालमेल र सहकार्यबारे पत्रकारको प्रश्नमा प्रचण्डले भने, ‘हामी गठबन्धनलाई चुनावसम्म लाने उद्देश्यमा छौं । यसमा नेपाली काँग्रेसको व्यवहारमा भर पर्ने कुरा हो ।’
काँग्रेसका केही नेताहरुले माओवादीसँग सहकार्य र तालमेल नगर्ने अतिवादी व्यवहार देखाइरहेको बताउँदै प्रचण्डले भने, काँग्रेसले लखेट्न नै थाल्यो भने परिस्थिति के हुन्छ भन्न सकिदैन ।
माओवादीले प्रधानमन्त्री बन्ने भन्दा पनि बनाउँदै आएको उल्लेख गर्दै धेरै असम्भव भनिएको विषयलाई सम्भव बनाएको दाबी गरे । उनले गठबन्धनलाई हरहालतमा बचाउने पक्षमा आफू रहेको र प्रधानमन्त्री शेरबहादुर देउवा पनि रहेकाले यो बाहेकको विकल्पमा तत्काल जाने अवस्था नरहेको बताए ।
एमाले अध्यक्ष केपी शर्मा ओलीतर्फ संकेत गर्दै निषेधात्मक सोच भएकासँग तत्काल सहमति र सहकार्यको सम्भावना नरहेको बताए । उनले गठबन्धनमा चुनावी तालमेल हुने बताउँदै भने, ‘सबै ठाउँमा सबै दलबीच तालमेल हुन्छ भन्ने छैन । यसमा नेपाली काँग्रेसमा भर पर्ने विषय हो ।’
तेहरान, फागुन २८ । इरानले अमेरिका र इजरायलसँग जारी युद्ध अन्त्य गर्न तीन प्रमुख शर्त
काठमाडौं, फागुन २७ । प्रतिनिधिसभा सदस्य निर्वाचनको मतगणना अन्तिम चरणमा पुगेसँगै अब बन्ने नयाँ सरकारप्रति
काठमाडौं, फागुन २० — राष्ट्रिय सुरक्षा परिषद्ले प्रतिनिधिसभा सदस्य निर्वाचन निष्पक्ष, भयरहित, शान्तिपूर्ण र त्रुटिरहित ढंगबाट सम्पन्न
काठमाडौं, फागुन १७ — केपी शर्मा ओलीले मतदातालाई देशको पक्षमा स्पष्ट निर्णय लिन आग्रह गरेका
१५ फागुन, काठमाडौँ । नेपाल कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ले आसन्न निर्वाचन
विराटनगर, फागुन १५ । केपी शर्मा ओलीले आगामी निर्वाचनको स्वच्छता र निष्पक्षतामाथि शंका व्यक्त गरेका