October 18, 2019
October 18, 2019
काठमाडौं। आत्म हत्या दुरुत्साहन मुद्दाका आरोपी टेलिभिजन प्रस्तोता रवि लामिछानेलाई उच्च अदालतले आंशिक राहत दिएको छ। उच्च अदालत पाटनको हेटौंडा इजलासले बिहीबार सो मुद्दाको सुनुवाई गर्दै चितवन जिल्ला अदालतको आदेशमा केही सदर र केही बदर गरेको हो।
उच्च अदालतले धरौटी राख्ने आदेश सदर गरेको छ भने अन्य शर्तहरु बदर गरेको छ। आफ्नै पूर्व सहकर्मी पत्रकार शालिकराम पुडासैनी आत्महत्या प्रकरणमा न्यूज२४ का कार्यक्रम प्रस्तोता लामिछाने र अर्का पत्रकार युवराज कँडेल आत्महत्या दुरुत्साह मुद्दामा अभियुक्त बनाइएका छन्। पुडासैनीले आत्महत्या गर्नुअघि खिचेको भनेको भिडियोमा रवि लामिछाने, युवराज कँडेल र एक युवतीका कारण आत्महत्या गरेको भनेका थिए। सोही आधारमा चितवन प्रहरीले लामिछानेलागायत तीनैजनालाई पक्राउ गरेको थियो।
प्रहरीको अनुसन्धानपछि उनीहरुमाथि आत्महत्या दुरुत्साहको आरोपमा चितवन जिल्ला अदालतमा मुद्दा दायर भएको थियो। जिल्ला अदालतले लामिछानेलाई ५ लाख र कँडेललाई ३ लाख रुपैयाँ धरौटीमा रिहाको आदेश दिँदै विदेश जाँदा अनुमति लिनुपर्ने टेलिभिजन कार्यक्रममा पत्रकार पुडासैनी आत्महत्याबारे कार्यक्रम बनाउन नपाउने आदेश दिएको थियो।
जिल्ला अदालतको यो आदेशविरुद्ध लामिछानेले उच्च अदालत पाटनको हेटौंडा इजलासमा पुनरावेदन गरेका थिए। सोही मुद्दामा बिहीबार उच्च अदालतका न्यायाधीशद्वोय चण्डीराज ढकाल र महेन्द्रनाथ उपाध्यायको इजलासले धरौटी बाहेकका अन्य शर्तहरु बदर गरेको हो। अब लामिछाने विदेश पनि जान पाउने छन् भने कार्यक्रम पनि सञ्चालन गर्न पाउने छन्।
काठमाडौं, जेठ २८ । सत्तारुढ एमालेका सचिव योगेश भट्टराईले राष्ट्रिय स्वतन्त्र पार्टी (रास्वपा)को पाँचबुँदे प्रस्तावमा
बुधबार, जेठ २८ काठमाडौँ । तत्कालिन प्रधानमन्त्री केपी शर्मा ओलीले साढे ४ वर्ष अघि संवैधानिक
जेठ १६ काठमाडौँ, । आगामी आर्थिक वर्ष २०८२/८३ को बजेटप्रति निजी क्षेत्रबाट सकारात्मक प्रतिक्रिया आएको छ
जेठ ११,रसुवा । पवित्र तीर्थस्थल गोसाइँकुण्डमा स्नान गर्नका लागि भक्तजनको आगमन सुरू भएको छ ।
जेठ ९,काठमाडौँ । शिक्षा, विज्ञान तथा प्रविधिमन्त्री रघुजी पन्तले सञ्चारमाध्यमहरूबाट व्यक्तिहरू ‘भिक्टिमाइज’ हुने प्रवृत्ति बढ्दै गएको
यम विरही ५ जेठ २०८२, सोमबार स्वतन्त्र न्यायपालिका र स्वतन्त्र प्रेस दुवै लोकतन्त्रका खम्बा हुन्
