काठमाडौं, १९ फागुन । सत्तारुढ नेपाल कम्युनष्टि पार्टी (नेकपा)ले पूर्वमन्त्री एवम् नेता भरतमोहन अधिकारीको निधनमा शोक मनाउने निर्णय गरेको छ ।
प्रधानमन्त्रीको सरकारी निवास बालुवाटारमा आइतबार बिहान बसेको केन्द्रीय सचिवालय बैठकले अधिकारीको शोकमा तीन दिनसम्म पार्टी कार्यालयहरूमा शोक पुस्तिका राख्ने निर्णय गरेको छ ।
सचिवालय बैठकले नेता अधिकारीको सम्मानमा पार्टी कार्यलयहरूमा झण्डा आधा झुकाउने निर्णय गरेको नेकपाले जनाएको छ ।
‘सबै पार्टी कार्यालयहरूमा तीन दिनसम्म शोक पुस्तिका राख्ने निर्णय भएको छ’, नेकपाले भनेको छ, ‘२३ गते रविन्द्र अधिकारी र भरतमोहन अधिकारीको सम्मानमा श्रद्धाञ्जलि सभा आयोजना गर्ने निर्णय भएको छ ।’
संस्कृति पर्यटन तथा नागरिक उड्डयनमन्त्री रविन्द्र अधिकारीको गत बुधबार ताप्लेजुङमा हेलिकप्टर दुर्घटनामा परेर निधन भएको थियो ।
पूर्वमन्त्री भरतमोहन अधिकारीको शनिबार राति उपचारका क्रममा काठमाडौंमा निधन भएको थियो
