काठमाडौं, १५ फागुन । संस्कृति, पर्यटन तथा नागरिक उड्ड्यन मन्त्री रवीन्द्र अधिकारीसहित ६ जना चढेको हेलिकप्टर दुर्घटनामा परी निधन भएको छ ।

काठमाडौंबाट ताप्लेजुङका लागि उडेको एयर डाइनेष्टीको हेलिकप्टर दुर्घटनामा परी ६ जनाको नधिन भएको नागरिक उड्डयन प्राधिकरणले पुष्टि गरेको छ ।

प्रतिकूल मौसमका कारण हेलिकप्टर दुर्घटना भएको नागरिक उड्डयन प्राधिकरणले जनाएको छ ।

ताप्लेजुङको लिङखिम र फुरुम्बु गाउँपालिकाको बीच भागमा अवस्थित सिस्ने खोलामा हेलिकप्टर दुर्घटनामा परेको हो । धरानका एसएसपी शरद खत्रीले दुर्घटनामा परेका सबै सातजनाकै निधन पुष्टि गरेका छन् ।

उनले भने, ‘घटनास्थलमा सबै सातजनाको शव भेटिएको छ । दुर्घटनास्थलमा प्रहरीको टोली पुगिसकेको छ ।’

क्याप्टेन प्रभाकर केसीले चलाएको एयर डाइनेस्टीको एमआई एयरबस हेलिकप्टर मन्त्री अधिकारीसहित ६ जना यात्रुलाई लिएर तेह्रथुमको चुहानडाँडास्थित निर्माणाधीन एयरपोर्ट अवलोकनपछि ताप्लेजुङतर्फ लागेको थियो ।

दुर्घटनामा ज्यान गुमाउनेहरु

रविन्द्र अधिकारी : मन्त्री संस्कृति पर्यटन तथा नागरिक उड्ययन

आङछिरिङ शेर्पा : अध्यक्ष यति एयरलाइन्स

वीरेन्द्रप्रसाद श्रेष्ठ उपमहानिर्देशक नेपाल नागरिक उड्ययन प्राधिकरण

अर्जुनकुमार घिमिरे : मन्त्री अधिकारीका पिएसो

युवराज दाहाल : प्रधानमन्त्री कार्यालयका सल्लाहकार

धुब्रदास भोछिभया : इन्जिनियर- नेपाल नागरिक उड्न प्राधिकरण