मंसिर २१, काठमाडौँ । काठमाडौं उपत्यका लगायत देशका विभिन्न स्थानमा चिसो अहिले चिसो बढेको छ।
जल तथा मौसम पूर्वानुमान महाशाखाले देशका पूर्वी पहाडी भू–भागमा दिउँसो आंशिक बदली रही अन्य स्थानहरुमा मौसम सामान्यतया सफा रहने जनाएको छ । पूर्वी उच्च हिमाली भेगका केहि स्थानहरुमा हल्का हिमपात र पहाडी भेगका १–२ स्थानमा हल्का बर्षा हुने सम्भावना रहेको छ ।
त्यस्तै रातिको समयमा पूर्वका उच्च हिमाली भेगका केही स्थानहरुमा हल्का हिमपात हुने सम्भावना छ ।
उपत्यकामा शुक्रबार बिहानको न्यूनतम तापक्रम ५.८ डिग्री मापन भएकोमा यो अझै घट्न सक्ने मौसमविदको अनुमान छ ।
दिउँसो भने काठमाडौँको अधिकतम तापक्रम १८ देखि २० डिग्रीसम्म पुग्ने सम्भावना रहेको मौसम पूर्वानुमान महाशाखाले जनाएको छ ।
