२८ असार, काठमाडौं । व्यवस्थापिका संसदको सार्वजनिक लेखा समितिले बेरुजु फछर्यौट कार्ययोजना तत्काल बनाउन महालेखा परीक्षकको कार्यालयलाई निर्देशन दिएको छ ।
लेखा समितिको बुधबार बसेको बैठकले बेरुजु फछर्यौटको विवरण १५ दिनभित्र पेश गर्ने गरी मन्त्रालय, निकाय, सचिवालय र आयोगलाई निर्देशन दिन पनि महालेखा परीक्षकको कार्यालयलाई सचेत गराएको छ ।
बेरुजु अंक बढ्दै गईरहेका बेला समितिले महालेखा परीक्षक टंकमणि शर्मालाई बोलाएर ६ महिना भित्र कूल बेरुजु रकमको ८० प्रतिशत रकम असुल गरिसक्ने लक्ष्य निर्धारण गर्न र त्यसअनुसार काम अघि बढाउन निर्देशन दिएको छ ।
बेरुजु रकम वर्षेनी बढदै गएकाले त्यसलाई न्यूनिकरण गर्दै लैजाने गरी तत्काल कार्ययोजना बनाउन महालेखा परीक्षकको कार्यालयलाई निर्देशन दिइएको समितिका सभापति डोरप्रसाद उपाध्यायले जानकारी दिए ।
समितिले लेखा परीक्षण प्रणालीलाई नतिजामूलक बनाउन पनि महालेखा परीक्षकको कार्यालयलाई निर्देशन दिएको छ । बैठकमा समितिका सदस्यहरुले बेरुजु अंक बढदै गएका कार्यालयलाई जवाफदेही बनाउने गरी काम गर्न महालेखा परीक्षकको कार्यालयलाई सुझाव दिएका थिए ।
पूर्वअर्थमन्त्री विष्णु पौडेलले जवाफदेहिता नै बेरुजु न्यूनिकरण गर्दै लैजाने आधार भएको भन्दै त्यस अनुसार कार्ययोजना बनाएर अघि बढन सुझाव दिए ।
महालेखा परीक्षक टंकमणि शर्माले बेरुजु घटाउन निरन्तर अनुगमन गरेर जाने कार्ययोजना तय गरिएको जानकारी दिए । साथै लेखा प्रणालीलाई व्यवस्थित बनाउन पनि निरन्तर अनुगमन गर्नुपर्ने आवश्यकता रहेको प्रष्ट पारे ।
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
आश्विन ९ ,काठमाडौं । सर्वोच्च अदालतले विवादित पृष्ठभूमि भएका मेडिकल व्यवसायी दुर्गा प्रसाईंलाई थुनामुक्त गर्न
भदौ ३० गते । विश्वव्यापी रूपमा पहिलो पटक आधाभन्दा बढी जनसङ्ख्याको कुनै न कुनै प्रकारको
