नेपाल नागरिक उडड्यन प्राधिकरणले काठमाडौंमा सेवा केन्द्रित गरेका साना जहाजहरुको उडान-अवतरणमा त्रिभुवन विमानस्थलको विकल्पमा काभ्रेको ठूलीचौरमा अर्को आन्तरिक विमानस्थल बनाउन प्रक्रिया सुरु गरेको हो ।
यसका लागि पूर्व सम्भाब्यता अध्ययन (प्रि-फिजिबिलिटी स्टडी) गरिसकेको प्राधिकरणका महाप्रवन्धक सञ्जीव गौतमले अनलाइनखबरसँग बताए । अब विस्तृत सम्भाब्यता अध्ययनका लागि प्राधिकरणले केही हप्ताभित्रै टेण्डर आह्वान गर्नेछ ।
यसमार्फत परामर्शदाता छनौट गरेर ठूलीचौरमा डोमेस्टिक एयरपोर्ट निर्माणका लागि काम सुरु गर्ने योजना उडड्यन प्राधिकरणको छ ।
‘अब स्थानीय सरकार गठन हुनासाथ हामी स्थानीय रुपमा लिनुपर्ने अनुमति र समन्वयको काम टुंग्याउँछौं’ गौतमले भने,’त्यसपछि साना विमानमार्फत हुने आन्तरिक उडानलाई हामी त्यता नै लैजाने गरी निर्माण थाल्छौं ।’
काठमाडौंबाट हुने सबै उडान त्रिभुवन एयरपोर्टबाटै गर्नु पर्दा एयर ट्राफिक बढ्दो छ । त्यसैकारण विमानलाई आकाशमै होल्ड गरिराख्नु पर्ने बाध्यता छ ।
दैनिक ३५० वटासम्म उडान भर्ने त्रिभुवन विमानस्थलको ३५ प्रतिशत उडान साना विमानहरुले पहाडी क्षेत्रमा केन्द्रित गर्दै भर्छन् । अब बन्ने नयाँ आन्तरिक विमानस्थललाई यस्तै साना विमानका लागि उपयाग गर्ने योजना बनाइएको छ । टि्वनअटर, ड्रोनियर, एलईटी लगायत विमान लाई ठूलीचौरबाट उडाउने योजना बनेको छ । यस्तो विमानले प्रायः पहाडी क्षेत्रका विमानस्थलमा उडान भर्छन् ।
‘ठूली चौरमा ८ सय मटरको मात्रै रन-वे बन्ने देखिएको छ । यो रन-वे भनेको साना विमानका लागि उपयुक्त हुन्छ’ गौतमले भने,’ निर्माणपछि साना विमानलाई अब सो विमानस्थलमा पठाउँछौं ।’
उनकाअनुसार आन्तरिक तर्फउडान भर्ने ठूला विमानलाई भने काठमाडौंबाटै उडाइनेछ । प्राधिकरणको प्रारम्भिक अध्ययनमा ठूलीचौरमा विमानस्थल बनाउने ठाउँमा अधिकतम् सरकारी जग्गा उपलब्ध छ ।
धुलिखेलका ३ किलोमिटरमा रहेको ठूलीचौरमा विमानस्थल बने बनेपा र धुलिखेलको पर्यटनमा थप वृद्धि हुने गौतमले बताए । होटल ब्यवसाय फस्टाएको यो स्थानमा आन्तरिक विमानस्थल निर्माण भए यसले थप आर्थिक गतिबिधि बढाउने देखिएको छ ।
यसअघि पाँचखालमा विमानस्थल बनाउने भनिएपनि प्राविधिक रुपमा अप्ठरो पर्ने निश्कर्ष निकालिएको थियो । ठूलीचौर भने उपयुक्त स्थानका रुपमा पहिचान भएकाले त्यहाँ नै विमानस्थल बनाउन प्रक्रिया अघि बढाउन लागिएको हो ।
– See more at: http://karnalikhabar.com/news/30294.html#sthash.pmnsWt0y.dpuf
फागुन २९, काठमाडौं । नेपालको प्रस्तावमा संयुक्त राष्ट्रसंघको महासभाले अप्रिल १५ लाई ‘अन्तर्राष्ट्रिय आरोग्य दिवस’
फागुन २८ ,काठमाडौं । स्वास्थ्य बीमा बोर्डले उपचारका लागि आउने बीमित बिरामीलाई अस्पताल बाहिरबाट औषधि खरिद
तारा निधि पन्त फागुन २६,२०८२ | काठमाडौं हालै सम्पन्न प्रतिनिधिसभा सदस्य निर्वाचनले नेपाली राजनीतिक इतिहासमा
फागुन २६, काठमाडौं । मध्यपूर्वमा बढ्दो सैन्य तनावबीच इरानले अमेरिका विरुद्ध आवश्यक परे शक्तिशाली मिसाइल
फागुन १९, काठमाडौं । निर्वाचन आयोगले धनुषा क्षेत्र नम्बर १ बाट उम्मेदवारी दिएका राष्ट्रिय स्वतन्त्र
१५ फागुन, काठमाडौँ । जिल्ला प्रशासन कार्यालय काठमाडौँ ले आउँदो सोमबार मनाइने होली पर्वलाई मर्यादित
