March 31, 2017
March 31, 2017
जनकपुरधाम, १८ चैत । महिला नेत्रीहरूले संविधान संशोधनबिना तराई–मधेसमा निर्वाचन हुनेमा आशङ्का व्यक्त गर्नुभएको छ । रिपोर्टर्स क्लब जनकपुरधामद्वारा आज यहाँ आयोजित ‘सडकमा बहस’ कार्यक्रममा उहाँहरूले संविधान संशोधनबिना निर्वाचन गरिए द्वन्द्व उत्पन्न हुने आशङ्का गर्नुभयो । उहाँहरुले मधेसी समुदाय निर्वाचन विरोधी नभएर आफ्नो माग सम्बोधनको आशामा बसेको छ भन्नुभयो ।
नेपाल महिला सङ्घका केन्द्रीय सदस्य नीलम कर्णले मधेसको अवस्था र आवश्यकतालाई ध्यान नदिएमा निर्वाचन हुन सक्ने आधार छैन भन्नुभयो । नेकपा (माओवादी केन्द्र) का केन्द्रीय सदस्य फूलकुमारी महतोले आफ्नो पार्टी मधेसको समस्या समाधानका लागि क्रियाशील रहेको बताउनुभयो ।
सङ्घीय समाजवादी फोरम नेपालका केन्द्रीय सदस्य चमेलीदेवी दासले सीमाङ्कन र संशोधनका अतिरिक्त मधेसमा अन्य विषय गौण रहेको विचार व्यक्त गर्नुभयो । तराई–मधेस लोकतान्त्रिक पार्टीका केन्द्रीय सदस्य विन्दु ठाकुरले मधेसमा निर्वाचनको वातावरण नभएको बताउँदै निर्वाचनको हठ त्यागेर समस्या समाधानतर्फ सबैको ध्यान जानु जरूरी भएको खाँचो औंल्याउनुभयो ।
तराई–मधेस महिला सङ्घका केन्द्रीय सदस्य रेणु झाले संविधान संशोधनले निर्वाचनको मार्ग खोल्न सक्ने विश्वास व्यक्त गर्नुभयो । राष्ट्रिय प्रजातन्त्र पार्टीका रेणु झा तथा महिला नेत्रीहरु विभा पाण्डे, लक्ष्मी महतो, सरिता शर्मा, विभा ठाकुरलगायतले निर्वाचनको वातावरण निर्माण गर्न मधेसको समस्या समाधानलाई पहिलो प्राथमितामा राख्नुपर्छ भन्नुभयो । रासस
बिहीबार, मंसिर १८, काठमाडौँ । जेनजी प्रदर्शनका क्रममा ‘आपराधिक गतिविधि’मा संलग्न भनिएका व्यक्तिहरूका मुद्दा फिर्ता
मंसिर १७, काठमाडौँ — उज्यालो नेपाल पार्टीकी केन्द्रीय सदस्य रीमा विश्वकर्माले निष्ठा, इमान्दारिता र परिवर्तनमुखी
मंसिर १७, काठमाडौं। सहरी विकास, ऊर्जा, जलस्रोत तथा सिँचाइ, र भौतिक पूर्वाधार तथा यातायातमन्त्री कुलमान
मङ्सिर १६, मंगलबार । राष्ट्रिय ज्येष्ठ नागरिक महासङ्घले सामाजिक सुरक्षा भत्ता वृद्धि सहित ज्येष्ठ नागरिकमैत्री
१५ मंसिर २०८२, सोमबारनेपालमा सरकारी सेवा लिन चाहने जनसाधारणको अनुभव झनै निराशाजनक बन्दै गएको छ।
काठमाडौँ, मङ्सिर १४ गते । नेपाल विद्युत प्राधिकरणको अगुवाइमा सङ्खुवासभाको भोटखोला गाउँपालिकामा निर्माण हुने एक हजार
