एयरपोर्टमा पनि देखियो निधि र थापाको वरियता विवाद

 

 

Prachanda-at-Airport-768x460१६ चैत, काठमाडौं । उपप्रधानमन्त्रीद्वय विमलेन्द्र निधि र कमल थापाबीचको वरियता विवाद प्रधानमन्त्री प्रचण्डलाई स्वागत गर्न त्रिभुवन विमानस्थल पुगेको बेलामा पनि देखिएको छ ।

चीन भ्रमणबाट फर्किएका प्रधानमन्त्री प्रचण्डको स्वागत गर्न सभामुख ओनसरी घर्ती, उपप्रधानमन्त्रीत्रय विमलेन्द्र निधि, कमल थापा, कृष्णबहादुर महरालगायत त्रिभुवन विमानस्थल पुगेका थिए ।

स्वागत गर्नेहरुको लहरको पहिलो नम्बरमा कमल थापा थिए । दोस्रोमा निधि र तेस्रोमा महरा थिए । तर निधि कमल थापाको छेउँमा उभिन चाहेनन् । उनले तेस्रो नम्बरमा रहेका कृष्णबहादुर महरालाई तानेर आफू र कमल थापाको बीचमा उभ्याए ।

पत्रकार सम्मेलनमा निधि बसेनन्

Nepal-Ministers-at-Airport-768x460स्वागत गर्ने लाइनमा निधि र थापा सँगै भए पनि प्रधानमन्त्री प्रचण्डको पत्रकार सम्मेलनमा भने निधि अनुपस्थित भए । स्रोतले अनलाइनखबरसँग भन्यो, ‘वरिष्ठताको विवाद आज एयरपोर्टमा पनि देखियो । पत्रकार सम्मेलनमा निधि बसेनन् । उनी तलै बसे ।’

वरियता विवादका कारण प्रधानमन्त्री प्रचण्ड कार्यवाहक प्रधानमन्त्री नतोकी चीन भ्रमणमा गएका थिए ।

प्रधानमन्त्री कार्यालयको वेबसाइटमा भने निधिपछि थापाको नाम उल्लेख छ । यसले के संकेत गर्दछ भने प्रधानमन्त्री प्रचण्डपछि दोस्रो वरियतामा निधि र तेस्रो वरियतामा थापा छन् । चौथो वरियतामा कृष्णबहादुर महराको नाम उल्लेख छ ।

Prachanda-Sita-Dahal-and-Kamal-Thapa-768x460नेपालको ३९ औं प्रधानमन्त्रीको रुपमा गत साउन १९ गते निर्वाचित भएको भोलिपल्टै प्रचण्डले निधि र महरालाई उपप्रधानमन्त्री नियुक्त गरेका थिए । राप्रपा अध्यक्ष थापा भने गत २६ फागुनमा सरकारमा सहभागी भए । त्यसलगत्तै उनले निधिभन्दा आफू वरिष्ठ भएको दाबी गरेका थिए ।

वरियता विवादकै कारण सैनिकमञ्च टुँडिखेलमा आयोजित घोडेजात्रा समारोहमा निधि र थापा दुबै अनुपस्थित थिए ।

 

 

प्रतिक्रिया दिनुहोस्
सम्बन्धित वर्गका समाचारहरू

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

यसरी परे दुई न्यायाधीश बर्खास्तीमा

 फागुन १४, काठमाडौँ। न्याय परिषद्ले उच्च अदालतका न्यायाधीश डा. नवराज थपलिया र अम्बिकाप्रसाद निरौलालाई बर्खास्त

कब्जा गरेको जग्गाको विवरण पठाउन गृहको निर्देशन

 फागुन १०,काठमाडौं। सरकारले देशभर अतिक्रमण गरेको सरकारी तथा सार्वजनिक जग्गाको विस्तृत विवरण पठाउन ७७ वटै

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक

मानव अधिकार उल्लङ्घनमा नौ हजार ३८८ पीडित

 फागुन ७,काठमाडौं। सन् २०२३ मा मानव अधिकार उल्लङ्घन तथा ज्यादतीको घटनामा नौ हजार ३८८ जना पीडित