चैत्र – 13 । निजी क्षेत्रको मोवाइल सेवा प्रदायक कम्पनी एनसेलले सरकारलाई बुझाउन बाँकी रहेको पुँजीगत लाभकर नबुझाएको विरोधमा शनिवार ललितपुरको पाटन दरबार क्षेत्रमा एनसेलको सिम जलाउने कार्यक्रम सम्पन्न भएको छ । नागरिक अभियान नेपालले एनसेलले सरकारलाई बुझाउन बाँकी ३३ अर्ब पुँजीगत लाभकर अविलम्व बुझाउन माग गर्दै विरोधस्वरुप एनसेलका सीम जलाइएको हो
सीम जलाउने कार्यक्रम नागरिक अभियान नेपालको अगुवाइमा भएको हो । नागरिक अभियान गतसाता पनि काठमाडौंको भद्रकालीमा एनसेलको विरोध कार्यक्रम गरेको थियो ।
पाटन दरबार क्षेत्रमा भएको कार्यक्रममा सन् २०१४ की मिस नेपाल सुविन लिम्बू, मानवअधिकारी संस्था ईन्सेकका प्रमुख सुवोधराज प्याकुरेल, नागरिक अभियानका सदस्य हरिराम रिमाल र नयाँ शक्तिका नेता तथा सामाजिक अगुवा निर्मल भट्टराईले सीम जलाए । उनीहरुले सांकेतिक रुपमा बनाएको एनसेलको सिम जलाएका थिए ।
विरोध कार्यक्रममा बोल्दै नयाँ शक्तिका नेता भट्टराईले राज्यलाई कर तिर्ने दायित्वबाट कुनै पनि संस्थाले उन्मुक्ति नपाउने तर्क गरे । ‘हामीले प्रयोग गर्ने हरेक सामानमा कर तिर्नुपर्छ । मोबाइल होस अथवा मोटर हरेक पाटपुर्जा सबैमा अनिवार्य कर तिर्नुपर्छ, उनले भने –‘तर, एनसेलले कर तिर्दैन । यो सरासर ठगी हो । नेपालमा आएर व्यापार गर्ने, अर्बौ नाफा कमाउने रु यो विश्को कुनैपनि देशमा नहुने घटना हो । यस्तो हुनुमा नालायक नेता र सरकार दोषी छन् ।’
त्यसैगरि कार्यक्रममा बोल्दै पूर्वमिस नेपाल लिम्बूले एनसेलले हरेक नेपालीलाई ठगेको हुनाले सबै युवाले एनसेलको सीम चलाउन बन्द गर्नुपर्ने बताइन् । ‘म एनसेल विरोधि हूँ । अर्बौँ कमाएर कर नतिर्ने कम्पनीको सीम जलाउदाँ मलाई ग्लानी छैन् । ’ उनले भनिन्–‘ म आफूलाई गर्व महशुस गर्छु । किनकि, रेमिट्यान्सले धानेको देशमा आएर अर्बौँ लुट्ने कम्पनीका विरुद्ध सबै नेपालीहरुले यस्तै गर्नुपर्छ ।’
त्यसैगरि कार्यक्रममा बोल्दै ईन्सेकका प्रमुख प्याकुरेलले एनसेलले ३ करोड नेपालीलाई वर्षौदेखि लुट्दै आएको बताए । उनले एनसेलको सीम आफूले नचलाउनेसमेत दाबी गरे । ‘एनसेलले कर तिर्देन भने हामी पनि एनसेलको सीम नचलाउँ । नत्र सबैले एनसेललाई वहिस्कार गरौँ ।’
उनले एनसेलको विकल्पमा आफ्नै देशको सीम प्रयोग गर्न सुझाव दिँदै कर तिराउनका लागि दवाव सिर्जना गर्न आग्रह गरे । उनले भने, ‘एनसेलको विकल्प हाम्रो आफ्नै देशका सीम प्रयोग गरौँ । एनसेललाई दवाव सिर्जना गरौँ ।’
प्रदर्शनमा अभियानका सदस्य रिमालले कर नतिर्ने र नतिराउनेविरुद्धको अभियान जारी रहने बताए । उनले भने, ‘अधिकार छ भन्दैमा सरकारले नीतिगत भ्रष्टाचार गर्ने र लाभ उठाउने कार्यमा लाग्छ भने लाखौँ जनता सडकमा उत्रिनेछन् ।’
सरकारले ३३ अर्ब करबाट एनसेललाई मुक्ति दिन खाजेपछि चौतर्फी बिरोध भएको छ । पाटन दरबार क्षेत्रमा भएको कार्यक्रममा विभिन्न पेशाा ब्यावसायमा आवद्ध युवा तथा सामाजिक अगुवाहरुको सहभागिता थियो । उनीहरुले एनसेल र सरकारको नीतिगत भ्रष्टाचार विरोधी नारा लगाउँदै विरोध जनाए । ‘नो ट्याक्स, नो एनसेल, नो डायल, नो रिसिभ ।’ ‘एनसेल ३३ अर्ब तत्काल फिर्ता गर ।’ ‘ ३३ अर्ब ल्याउँ फास्ट ट्रयाक आफै बनाउँ ।’ लेखिएका पम्प्लेट बोकेर विरोधमा उत्रिएका थिए ।
मुख्यमन्त्री पाण्डे : ५० करोड बचत हुने अपेक्षा, पूर्वउपाध्यक्ष पौडेल : मन्त्री–सांसदको सुविधा पनि कटौती
साउन २०, २०८२ | तीनकुनेमा गत चैत १५ गते आयोजित राजावादी प्रदर्शनमा संलग्न रहेको आरोपमा पुर्पक्षका
रुपन्देही, साउन १९ ।शान्ति र आध्यात्मिकताको प्रतीक बुद्ध जन्मस्थल लुम्बिनीको व्यवस्थापनका लागि गठित लुम्बिनी विकास
तारा निधि पन्त श्रावण १०, २०८२ “प्रदूषण र जलवायु संकटविरुद्ध बुद्धको योगदान अर्थात बौद्धदर्शन र
काठमाडौँ, असार २७ — नेपाल राष्ट्र बैंकले आगामी आर्थिक वर्ष २०८२/८३ का लागि लचिलो र
काठमाडौं, असार २४ गते – नेपाली सेनाको सैनिक अदालतले चरम असंवेदनशीलता देखाउँदै संवेदनशील मुद्दाहरूमा समावेश
