नेपालका लागि नयाँ भारतीय राजदूत : को हुन् मन्जीव सिंह ?

Manjeev-Singh-Puriकाठमाडौं, १९  फागुन — भारतीय सरकारले मन्जीवसिंह पुरीलाई नेपालको राजदूतमा नियुक्त गर्ने गरी नेपाललाई प्रस्तावपत्र पठाएको छ । नेपालले भारतको प्रस्तावलाई अनुमोदन गरेपछि उनी नेपालको राजदूतको रूपमा नियुक्त हुन्छन् ।

पुरी यसभन्दा अघि भारतका लागि युरोपियन युनियन, बेल्जियम र लक्जेम्बर्गका राजदूत थिए । रणजीत राय आफ्नो तीन वर्षे कार्यकाल पूरा गरेर बुधवार दिल्ली फर्किन लाग्दै गर्दा पुरी राजदूतमा नियुक्त भएका हुन् ।

पुरीले त्यसभन्दा अघि संयुक्त राष्ट्रसंघका लागि पनि भारतीय प्रतिनिधिको रूपमा काम गरिसकेका थिए । उनले सन् १९८२ मा भारतीय परराष्ट्र सेवामा काम शुरु गरेका थिए ।

उनले सन् २००९ देखि २०१३ सम्म संयुक्त राष्ट्रसंघको प्रतिनिधि बनेर काम गरेका थिए । उनी सन् २०११ देखि २०१३ सम्म भारतीय सुरक्षा परिषद्को सदस्य समेत थिए ।

पुरी दिगो विकास र वातावरण संरक्षणका सम्बन्धमा भारतीय प्रतिनिधिमण्डलका संयोजक समेत थिए । रियो द जेनेरियोमा सन् २०१२ मा भएको संयुक्त राष्ट्रसंघको सो सम्मेलनमा उनी टोली नेता थिए ।

सन् २००९ मा उनी जलवायु परिवर्तनसम्बन्धी आर्थिक फोरम तथा सम्मेलनमा पनि भारतको तर्फबाट प्रतिनिधि थिए । उनले एसिया प्यासिफिक क्षेत्रका देशहरूको विकास तथा जलवायुसम्बन्धी भारतको प्रसिद्ध संस्था इनर्जी एन्ड रिसोर्सेस नामक संस्थामा पनि सल्लाहकारको भूमिकामा काम गरेका थिए ।

सन् २००५ देखि २००९ सम्म उनी भारतीय परराष्ट्र मन्त्रालय अन्तर्गतको संयुक्त राष्ट्रसंघीय इकाइको प्रमुख भएर समेत काम गरेका थिए । उनले विश्वव्यापी आर्थिक तथा विकासका क्षेत्रमा काम गरेका छन् ।

वातावरण संरक्षण, दिगो विकास, मानवअधिकार, बसाइसराइ तथा अन्य मानव सरोकारका विषयमा समेत उनी जानकार छन् ।
उनी २००५ मा भएको जि८—जि५ सम्मेलनमा पनि भारतीय प्रतिनिधिमण्डलमा थिए भने बसाइसराइ र विकास नामक विश्व सम्मेलनमा भारतीय प्रतिनिधिमण्डलको नेतृत्व गरेका थिए ।

उनले परराष्ट्र मन्त्रालयमा सेवा गरिरहँदा दुईपटकसम्म जर्मनीमा बसेर समेत काम गरेका थिए । उनले जर्मनीमा भारतीय परम्परासम्बन्धी निकाय स्थापनामा समेत भूमिका निर्वाह गरेका थिए । उनले त्यसबेला जर्मनीमा भारतीय संस्कृतिसम्बन्धी संस्थामा काम गरेका थिए ।

उनले भारतीय परराष्ट्र मन्त्रालयको तर्फबाट थाइल्यान्ड, भेनेजुएला, दक्षिण अफ्रिका, ओमान लगायतका देशमा समेत काम गरेका छन् ।

पुरी सन् १९५९ मा जन्मिएका हुन् । उनले व्यवस्थापनमा स्नातकोत्तर गरेका छन् । सरकारी सेवा शुरु गर्नुभन्दा अघि उनले हिन्दुस्तान युनिलिभरमा काम गरेका थिए ।

उनलाई भारतको दिल्ली विश्वविद्यालयले मानार्थ बिएको उपाधी दिएको छ । उनले नम्रता पुरीसँग विवाह गरेका छन् भने उनीहरूका दुई सन्तान छन् ।

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री ओली र चिनका अन्तर्राष्ट्रिय विकास सहायता नियोगका अध्यक्ष चेन बीच सहकार्यबारे छलफल

काठमाडौं, साउन ६ । प्रधानमन्त्री केपी शर्मा ओलीसँग चीनको अन्तर्राष्ट्रिय विकास सहायता नियोग (CIDCA) का

परराष्ट्रमन्त्री डा. आरजु राणाद्वारा जलवायु वित्त र दिगो कृषि प्रणालीमा अन्तर्राष्ट्रिय सहयोगको आग्रह

असार १७, काठमाडौं ।परराष्ट्रमन्त्री डा. आरजु राणा देउवाले जलवायु परिवर्तनबाट प्रभावित मुलुकहरूका लागि जलवायु वित्त

अन्तर्राष्ट्रिय वित्तीय प्रणालीको सुधारमा प्रधानमन्त्री ओलीको जोड

सेभिया (स्पेन), असार १६ – प्रधानमन्त्री केपी शर्मा ओलीले अन्तर्राष्ट्रिय वित्तीय प्रणाली सुधारको आवश्यकतामा विशेष

बन्द भएको अमेरिकी कारागार अल्काट्राजको पुनः खोल्न ट्रम्पको आदेश

 वैशाख २३  । अमेरिकी राष्ट्रपति डोनाल्ड ट्रम्पले आइतबार अधिकारीहरूलाई अल्काट्राज कारागार पुनर्निर्माण र पुनः खोल्न निर्देशन

ट्रम्पको कर दृष्टिकोण बुझ्न कठिन छ : जापानी प्रधानमन्त्री

टोकियो, चैत १५ गते । जापानी प्रधानमन्त्री शिगेरु इशिबाले शुक्रबार अमेरिकी राष्ट्रपति डोनाल्ड ट्रम्पको आयातित कार

भारतीय अन्तरिक्ष मिशन स्स्पाडेक्स उपग्रहको सफलतापूर्वक ‘अनडकिङ’ पूरा

नयाँ दिल्ली, चैत १ गते । भारतीय अन्तरिक्ष अनुसन्धान सङ्गठन (इसरो) ले ‘स्पेस डकिङ’ (स्पाडेक्स) मिशनअन्तर्गत