February 24, 2017

यसरी फसाए श्रीमान् विदेश गएका ६० महिलालाई :वैदेशिक रोजगार व्यवसायी संघका अध्यक्षले

Prem-Katuwal-115x150फागुन १३, काठमाडौं–वैदेशिक रोजगार व्यवसायी संघका पूर्व अध्यक्ष प्रेम कटुवाल पक्राउ परेका छन् । फेसबुकमार्फत दर्जनौं महिलालाई ठगी गरेको आरोपमा उनलाई महानगरीय अपराध महाशाखा टेकुले पक्राउ गरेको हो ।

अधिकांश विवाहित तथा श्रीमान विदेशीएका महिलाहरुलाई फेसवुकबाट विदेशी नागरिकको नामबाट साथी बनाएर उपहार पठाउने नाममा ठगी गरेको खुलेपछी कटुवालसहित उनका अन्य तीनजना सहयोगीलाई समेत प्रहरीले नियन्त्रणमा लिएको छ । प्रहरी स्रोतका अनुसार बुधवार पक्राउ परेका कटुवालसहित अन्य तीनजनालाई काठमाडौं प्रहरीको हिरासतमा राखेर अनुसन्धान भईरहेको छ ।

महाराजगञ्जमा ब्लु स्काई ओभरसिज नामक म्याननपावर सञ्चालन गर्दै आएका कटुवाल बल बहादुर तामाङ भन्दा पहिले बैदेशिक रोजगार व्यवसायी संघको अध्यक्ष थिए ।

कटुवालको नेटवर्कमा रहेका व्यक्तिहरुले करिब ६० जना महिलाबाट लाखौं ठगी गरेको पाईएको छ । ठगी गरेको मध्ये करिब २४ लाख नगद कटुवालको बैंक खातमा डिपोजिट गरिएको फेला परेपछि प्रहरीले उनलाई सोधपुछका लागी बोलाएको थियो । सोधपुछका क्रममा आईएमईबाट समेत आफुले रकम लिएको स्विकार गरेपछि प्रहरीले उनलाई पक्राउ गरेको बताईएको छ ।

यसरी ठगीए ६० जना महिला
कटुवालको नेटवर्कमा रहेका व्यक्तिहरुले विदेशीको फोटो र नाम राखेर फेसबुक अकाउन्ट खोल्थे अनि सयौंलाई फ्रेन्ड रिक्वेस्ट पठाउँथे । विदेशीले रिक्वेस्ट पठाएपछी कतिपय महिलाहरुमा कौतुहलता जाग्थ्यो, उनीहरु तत्काल ‘अक्सेप्ट’ गर्थे । सचेत महिलाहरुले वास्ता नगर्ने भएपनि श्रीमान् विदेशिएका, श्रिमान नेपालमै भएपनि समुहमा बसेर काम गर्ने तथा आफ्नै ढंगले दुई–चार लाख पैसा चलाउन सक्नेहरु क्युरियस हुन्थे र विदेशीसँग च्याट गर्न थालिहाल्थे ।

च्याट गर्दै जाँदा महिलाहरुको मन जितेपछी ‘तपाईं त कस्तो ब्युटिफुल हुनुहुँदो रहेछ, अष्ट्रेलियाको गिफ्ट पठाईदिन्छु’ भन्दै ती नक्कली विदेशीहरु महिलालाई फुरुक्क पार्ने गर्दथे ।

च्याटिङ हुन थालेको तेस्रो दिन दिल्लीबाट फोन गरेर तपाईको नाममा गिफ्ट आएको छ सामान धेरै रहेछ भन्दै महिलाहरुलाई अझै उत्सुक गराएपछि गिफ्ट हात पार्न कर बापत केही पैसा जम्मा गर्नुपर्ने शर्त राखेर उनीहरुलाई ठग्ने गरेको बताईएको छ ।

जापान, अष्ट्रेलिया जस्ता मुलुकबाट गिफ्टको पार्सल आएको भन्दै गिफ्ट हात पार्न सुरुमा केही हजार माग्ने यो समुहले डलरको ट्याक्स रकम इन्डियन रिजर्भ बैंकमा जम्मा गर्नुपर्ने शर्त राखेर नेपालकै विभिन्न व्यक्तिको नाममा पैसा पठाउन आग्रह गर्ने गरेको थियो ।

ठगी गर्ने समुहले पैसा पठाउनका लागी दिइने नाम र बैंक खाता कटुवालको पनि थियो । पा्ररम्भिक अनुसन्धानको क्रममा कटुवालले त्यस्ता महिलाहरुबाट २४ लाख भन्दा बढी रकम बुझेको प्रारम्भिक अनुसन्धानबाट खुलेको प्रहरी स्रोतको भनाई छ ।

प्रतिक्रिया दिनुहोस्
सम्बन्धित वर्गका समाचारहरू

नगदै दिइने सामाजिक सुरक्षामा पनि कर

फागुन २०, काठमाडौँ । सामाजिक सुरक्षामा बढ्दो वित्तीय दायित्व कम गर्न सरकारले नगदमा उपलब्ध गराइने

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

यसरी परे दुई न्यायाधीश बर्खास्तीमा

 फागुन १४, काठमाडौँ। न्याय परिषद्ले उच्च अदालतका न्यायाधीश डा. नवराज थपलिया र अम्बिकाप्रसाद निरौलालाई बर्खास्त

कब्जा गरेको जग्गाको विवरण पठाउन गृहको निर्देशन

 फागुन १०,काठमाडौं। सरकारले देशभर अतिक्रमण गरेको सरकारी तथा सार्वजनिक जग्गाको विस्तृत विवरण पठाउन ७७ वटै

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक