अबको निर्वाचनमा नयाँ शक्ति पहिलो पार्टी बन्छ : देवेन्द्र पौडेल

संवृद्धिका लागि प्रत्यक्ष निर्वाचित कार्यकारी राष्ट्रपतिको विकल्प नभएको भनाइ – 

बाग्लुङ, माघ ८ – नयां शक्ति पार्टी नेपालका संगठन विभाग प्रमुख देवेन्द्र पौडेलले देशको समृद्धिको लागि प्रत्यक्ष निर्वाचित कार्यकारी राष्ट्रपति र पूर्ण समानुपातिक संसदीय प्रणाली अपरिहार्य भएको बताएका छन् ।

जिल्लाको नयां शक्ति पार्टी नेपाल, अमलाचौर गाउं परिषद्ले आयोजना गरेको वनभोज तथा भेटघाट कार्यक्रममा बोल्दै नेता पौडेलले शनिबार यस्तो बताएका हुन् । ६/७ महिनामा परिवर्तन हुने सरकारले देशको विकासको लागि कुनै काम गर्न नसक्ने भएकाले अब जनतालाई नै प्रत्यक्ष निर्वाचित कार्यकारी राष्ट्रपति चुन्ने अवसर दिनुपर्ने तर्क नेता पौडेलको छ । उनले अब आउने निर्वाचनमा नयां शक्ति पार्टी नेपाल पहिलो पाटी हुने दावी समेत गरे ।

े नयां शक्ति पाटीले माघ महिना भरि संचालन गर्ने ‘घर घरमा नयां शक्ति’ अभियान अन्र्तगत जनदवावको लागि १० लाख हस्ताक्षर संकलन गर्न सुरु गरेको पौडेलको भनाई थियो । पौडेलले आफ्नो पाटीको यो अभियानले देशमा राजनैतिक स्थिरता हासिल हुने र आर्थिक समृद्धि तर्फ मुलुक अघि बढ्ने दावी गरे । उनले यसका लागि जनताको साथ अहिलेको आवश्यकता भएको भन्दै सहयोगका लागि अपिल गरे । ‘ नेपालमा भएका १८१ राजनैतिक पाटीको राजनैतिक औचित्य सकियको छ,’ नेता पौडेलले भने, ‘ अब देशलाई आर्थिक समृद्धि तर्फ लैजान नयां सोच, नयां विचार र नयां योजना भएको वैकल्पिक राजनितिक पार्टी नयां शक्ति नेपाल आएको छ । यसलाई सबै जनताले साथ दिनुहुनेछ भन्ने हामे विश्वास छ ।’

कार्यक्रममा नयां शक्ति पार्टी नेपाल ४ नं प्रदेशका संयोजक वलावति शर्माले नयां शक्ति पार्टीले सवैको मनोभाव वुझेर समान प्रतिनिधित्व र समावेशी सिद्धान्त अनुरुप संगठन निर्माण गरेको बताइन् । नयां शक्ति देशको वैकल्पिक धार भएकाले अव महिला दलित जनजाति पिछडिएको वर्ग सवै यसमा आवद्ध भएर जानु पर्ने शर्माको भनाई थियो ।
कार्यक्रममा नयां शक्ति पार्टी नेपालका बागलुङ जिल्ला संयोजक चित्र सापकोटा, जिल्ला परिषद् सदस्य भिमनाथ शर्मालगायतले आफ्नो भनाइ राखेका थिए । वनभोज कार्यक्रममा अमलाचौर, पैयुपाटा नारायणस्थान र बागलुङ नगरपालीकाका व्यक्तिहरुको सहभागिता रहेको थियो ।