नेपाली सेनाको आवश्यकता अनुसार पुनःसंरचना हुन्छ : खाँड

१५ भदाै, चितवन  । नेपाली सेनाको आवश्यकता अनुसार पुनःसंरचना हुने रक्षामन्त्री   बालकृष्ण खाँडले बताएका छन् ।  चितवन पुगेका मन्त्री खाँडले बुधबार यहाँ पत्रकारसँगकाे भेटमा कुरा गर्दै यस्ताे वाताएका हुन् ।

 पत्रकारसँग कुरा गर्दै खाडले भने, नेपाली सेनाको आवश्यकताअनुसार पुनःसंरचना हुन्छ । त्यसबारेमा अध्ययन र छलफल भइरहेको छ।’ उनले नेपाली सेनाले नेपाल एकीकरणदेखि राष्ट्रिय अखण्डता, स्वतन्त्रता र एकताका लागि पुर्याएको भूमिका महत्वपूर्ण रहेको बताएका छन्  । यस्तै खाडले संविधान संशोधन गरी मधेसवादी दलको मागलाई सम्बोधन गरिने र त्यसका लागि सरकारले गृहकार्य सुरु गरिसकेको समेत वताएका छन् ।

मधेसवादी दलले राखेका मागको सम्बोधनपछि मात्र उनीहरु सरकारमा आउने वा नआउने टुङ्गो लाग्ने पनि मन्त्री खाँडले बताए। संविधान कार्यान्वयनका लागि सरकार प्रतिबद्ध रहेको भन्दै उहाँले स्थानीय निकायको निर्वाचन समयमा नै हुने बताए। संविधान निर्माणमा जुटेका तीन ठूला दल संविधान कार्यान्वयनमा पनि एक हुने विश्वास उनले व्यक्त गरे। राज्य पुनःसंरचना गर्दा स्थानीय निकायको केन्द्रमा पुग्न बास बस्नुपर्ने अवस्था आउन नहुने र सानो भएर खर्च नधान्ने पनि हुन नहुने उनले बताए।