February 24, 2020
February 24, 2020
फागुन १२, काठमाडौँ । गोकुल बाँस्कोटाले ७० करोड कमिसन डिल गरेको अडियो प्रक्रणपछि नेपाली काँग्रेसले अबरुद्ध गर्दै आएको प्रतिनिधिसभा बैठक मंगलबार भने बस्न दिने भएको छ ।
काँग्रेस संसदीय दलको कार्यालय सिंहदरबारमा सोमबार काँग्रेससहित समाजवादी पार्टी र राष्ट्रिय जनता पार्टी (राजपा) बीच भएको संयुक्त छलफलमा सो सहमति भएको हो ।
यसअघि फागुन ८ गते बिहीबार बसेको प्रतिनिधिसभा र राष्ट्रियसभा दुबै बैठकमा बाँस्कोटा प्रकरणलाई लिएर काँग्रेसले तीन वटा माग राख्दै बैठक अवरुद्ध गरेपछि मंगलबारसम्मका लागि बैठक स्थगित भएको थियो ।
तीन दलबीचको बैठकमा मंगलबारको प्रतिनिधिसभा बैठक अवरुद्ध नगर्ने सहमति भएको काँग्रेस सचेतक पुष्पा भुसालले जानकारी दिएकी छिन् ।
संसद अवरुद्ध गरेर समस्याको समाधान नहुने निश्कर्ष निकाल्दै तीन दलले मंगलबारको बैठकमा आफ्नो दलको तर्फबाट धारणा राख्ने सचेतक भुषाले जानकारी दिइन् ।
तीन दलबीच सरकारविरुद्ध मोर्चाबन्दी गरेर अघि बढ्ने विषयमा समेत सहमति भएको छ ।
सेक्युरिटी प्रिन्टिङ प्रेस खरिदका लागि ७० करोड रुपैयाँ कमिसन मागेको अडियो टेप सार्वजनिक भएपछि काँग्रेसले प्रधानमन्त्रीको धारण समेत माग गरेको छ । यसविषयमा आइतबार छाया मन्त्रीपरिषद्मा छलफल भएअनुसार काँग्रेसले प्रतिपक्षमा रहेका अन्य दलसँग पनि छलफल गर्ने निर्णय गरेको थियो ।
सोहीअनुसार समाजवादी पार्टी र राष्ट्रिय जनता पार्टीका शीर्ष नेताहरुबीच छलफल भएको हो ।
बाँस्कोटाको मन्त्रीबाट बर्खास्ती, प्रधानमन्त्रीले संसदमा जवाफ दिनुपर्ने र तटस्थ रुपमा बाँस्कोटामाथि छानबिन हुनुपर्ने काँग्रेसको बटमलाइन छ ।
वैशाख १४,काठमाडौँ । प्रधानमन्त्री पुष्पकमल दाहाल ‘प्रचण्ड’ले देशमै बसेर केही गर्नुपर्छ भन्ने भावना जागृत गर्न
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
