सामसुङका उपाध्यक्ष भ्रष्टाचार मुद्दामा दोषी ठहर, ५ वर्ष जेल सजायँ

एजेन्सी – दक्षिण कोरियाको एक अदालतले भ्रष्टाचार आरोपमा सामसुङ ईलेक्ट्रोनिक्स कम्पनीका उपाध्यक्ष लि जे योङलाई ५ बर्षको जेल सजाय सुनाएको छ ।

Samsung-VC

राजधानी सोलको तल्लो अदालतले ली लाई तत्कालीन राष्ट्रपति पार्क गुन हेई नेतृत्वको सरकारलाई आफ्नो पक्षमा पार्न घुस दिएर ठुलो घोटाला गरेको आरोपमा दोषी ठहर गरेको अन्तर्राष्ट्रिय सञ्चारमाध्यमहरुले जनाएका छन् ।

दक्षिण कोरियाका तेस्रो धनी नागरिकका रुपमा रहेका ली पुर्व राष्ट्रपति पार्कका विश्वासपात्र मध्येका एक थिए । ली ले पुर्व राष्ट्रपति पार्कलाई प्रभावमा पारेर ६५ करोड बढी भ्रष्टाचार गरेको आरोप पुष्टि भएको दक्षिण कोरियाली समाचार संस्था योन्हापले उल्लेख गरेको छ ।
यस्तै ली माथि झुटो बयान दिएको, विदेशी सम्पति लुकाएको आरोप पनि रहेको समाचारमा उल्लेख छ । आरोपकर्ताहरुले ली माथि १२ बर्षको जेल सजायँको माग गरेका थिए । गएको फेब्रुअरीदेखि प्रहरी हिरासतमा रहेका ली ले भने आरोप अस्वीकार गर्दै आएका छन् । उनले अदालतको फैसलाबिरुद्ध अपिल गर्ने अनुमान गरिएको छ ।

 

photo

NOC1-250x300