विखण्डनकारी समूहको सुक्ष्म अध्ययन गरिरहेका छौँ – प्रधानसेनापति

 

 
असोज २६, काठमाडौँ । नेपाली सेनाका प्रधानसेनापति पूर्णचन्द्र थापाले विखण्डनकारी समूहको सेनाले सुक्ष्म अध्ययन गरिरहेको बताएका छन् ।बिहीबार नेपाली सेनाले दशैँ, तिहार र छठ पर्वको उपलक्ष्यमा शुभकामना दिन आयोजना गरेको पत्रकार सम्मेलनमा प्रधानसेनापति थापाले यस्तो बताएका हुन् ।भविष्यमा आइपर्ने जस्तोसुकै परिस्थितिका लागि पनि चनाखो रहेको जानकारी दिँदै थापाले भने, ‘अहिले विखण्डनकारी समूहको गतिविधिलाई राज्यले प्रहरी प्रशासनको क्षमताभित्रको विषय ठानेर होला, हाम्रो डोमेनमा यो पर्दैैन । यद्यपि, सुक्ष्म निगरानी गरिरहेका छौं । राज्यले आवश्यक ठाने सेना तयार छ ।’

उनले सेनाभित्र भ्रष्टाचार नियन्त्रणको लागि बनेको संयन्त्रका केही पक्षमा सुधार गरिने बताए । ‘सेनाको एक्लो प्रयासले मात्र सुधार सम्भव हुँदैन, यो एकै दिनमा हट्ने कुरा पनि होइन’ उनले भने, यसलाई जरैदेखि उपचार गर्नुपर्छ ।’भर्ना छनौट वेलामा आर्थिक चलखेलदेखि शान्ति सेनाको विषयसम्ममा विभिन्न कुरा उठ्ने गरेको उल्लेख गर्दै उनले भने, ‘त्यसको जरो पहिल्याएर कारबाही सुरु हुन्छ ।’

 

photo

NOC1-250x300