काठमाडौं । पुराना भर्जनका आइफोन प्रोसेसरलाई ढिलो बनाइदिएको आरोपमा लगातार आलोचित भएपछि एप्पल कम्पनीले यसका लागि माफी मागेको छ । लिथियम आयनबाट बनेका पुराना आइफोनको ब्याट्रीमा सुधार ल्याउनका लागि यस्तो गरेको भन्दै एप्पल कम्पनीले यसो गर्नु पछाडिको कारण प्रष्ट पारेको थियो ।
अहिले भने कम्पनीले ब्याट्री परिवर्तन गर्न तयार रहेको र २०१८ सम्ममा प्रयोगकर्ताहरुले आफ्नो ब्याट्री लाइफमा रेखदेख गर्न सक्ने खालको सफ्टवेयर पनि निर्माण गरिरहेको बताएको छ । धेरै अघि देखि नै आइफोन प्रयोगकर्ताहरुले एप्पलले नयाँ फोनको बिक्री बढाउनका लागि पुराना फोनहरु स्लो बनाइदिएको भन्दै गुनासो गरिरहेका थिए ।
तर एप्पलले यसलाई स्वीकार गरिसकेपछि अहिले उनीहरु विरुद्ध ८ वटा मुद्दा दायर भइसकेको बीबीसीले बताएको छ । त्यसैले चारैतिरबाट आलोचित भएपछि एप्पलले वारेन्टी सकिसकेका ब्याट्रीलाई बदल्ने शूल्क पनि ७९ डलरबाट घटाएर २९ डलर निर्धारित गर्ने निर्णय गरेको बताएको छ । उपभोक्ताहरुको विश्वास कम्पनीका लागि सबैभन्दा महत्वपूर्ण रहेको बताउँदै एप्पलले सधैँ यसै लक्ष्य अनुरुप काम गर्ने बताउँदै आएको छ ।
कम्पनीका अनुसार लिथियम आयनका ब्याट्रीहरु पुरानो हुँदै गएपछि चार्ज कम भएका बेला पावर सप्लाई गर्ने क्षमता अत्यन्तै कम हुने गर्छ । जसकारण फोन अचानक बन्द हुने खतरा हुन्छ । यसरी समय बित्दै जाँदा ब्याट्रीको क्षमता झनझन घट्दै जाने हुनाले फोनभित्रका अन्य उपकरणलाई बिग्रनबाट बचाउन फोन आफैँ बन्द हुने गरेको छ । यति भन्दै एप्पल कम्पनीले अहिलेसम्म आफ्नो बचाउ गर्दै आएको छ ।
हालै एप्पलले यही समस्याको समाधान गर्न भन्दै आइफोन ६, ६ एस र आइफोन एसइका लागि एउटा नयाँ फिचर जारी गराएको छ जसको उद्देश्य प्रोसेसरको अत्याधिक पावरको मागलाई नियन्त्रण गर्न सक्नु रहेको बताइएको छ । यसले फोनलाई अचानक बन्द हुनबाट रोक्न सक्ने उनीहरुको भनाइ छ ।
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १४,काठमाडौँ । प्रधानमन्त्री पुष्पकमल दाहाल ‘प्रचण्ड’ले देशमै बसेर केही गर्नुपर्छ भन्ने भावना जागृत गर्न
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
खिमलाल देवकोटा २५ चैत २०८०, आइतबार नेपालको संविधानको धारा ११९ को उपधारा ३ बमोजिम नेपाल
