चरम भ्रस्टाचार गरेको अभियोगमा काभ्रेको पुर्ब पालिका अध्यक्ष र प्रशासकीय अधिकृत विरुद्ध अख्तियारले चलायो मुद्दा

४पुस, काभ्रे  । प्राकृति तथा  नदीजन्य पदार्थ उत्खनन सम्बन्धी ठेक्कामा चरम भ्रष्टाचार र अधिकारको दुरुपयोग गरेको अभियोगमा अख्तियार दुरुपयोग अनुसन्धान आयोगले काभ्रेपलाञ्चोक जिल्लाको तेमाल गाउँपालिकाका पुर्ब  अध्यक्ष सालमसिंह लामा र तत्कालीन  प्रशासकीय प्रमुख अधिकृत सर्मिला लामिछानेविरुद्ध विशेष अदालतमा मुद्दा दायर गरेको छ ।

आर्थिक वर्ष २०७५/७६ मा तेमाल गाउँपालिकाको क्षेत्रभित्र पर्ने विभिन्न बगरमा रहेको गिटी बालुवा लगायत संकलन गर्न ठेक्का सम्झौता गर्दा बोल कबोल अंकभन्दा घटीमा सम्झौता गरेर भ्रष्टाचार गरेको भन्दै अख्तियारले मुद्दा दायर गरेको हो ।

अख्तियारले उनीहरुविरुद्ध ५ करोड १४ लाख जरिवानाको मागदावीसहित मुद्दा दायर गरेको हो । सोही प्रकरणमा ठेकेदारहरुविरुद्ध पनि कर्मचारी र जनप्रतिनिधि सरह जरिवाना र जेल सजायसहितको विगोदावी गरेर मुद्दा दायर भएको छ । अख्तियारले काभ्रेको अन्य गाउँपालिका अध्यक्ष , अधिकृत र त्याहास्थित वडा अध्यक्षहरुको भ्रस्टाचार विरुद्ध परेको उजुरी अनुसार कागजपत्र सिज गरेर छानबिन गरिरहेको बुझिएको छ।