‘अहिलेसम्म टेप प्रकरण प्रमाणित छैन, उहाँ (बाँस्कोटा)ले होइन भनिरहनु भएको छ। स्वीस राजदूतावासले फ्रड हो भन्यो। आफ्नो नाममा बात लागेकाले राजीनामा दिनुभो, भ्रष्टाचार प्रमाणित भएजसरी प्रचार गर्नु आवश्यक छैन,’ ओलीले भने, ‘आरोप पुष्टि छैन। काम नलाग्ने पत्रु उजुरिको के काम। त्यो भ्रष्ट उजुरी हो।’
‘आरोप सत्य हो होइन हेर्नु पर्यो। अनाडी मान्छेले रेकर्ड गरेको छ। त्यसमा डिल नै भएको छैन,’ उनले थपे।
उनले आफूले बाँस्कोटाको बचाउ नगरेको दाबी गर्दै अनुसन्धानपछि दोषी पाए कारबाही हुने बताए। आन्दोलनलाई तुहाउन बाँस्कोटामाथि यस्तो खेल भएको उनको तर्क थियो।
‘सत्यता छ भने कारबाही हुन्छ, होइन भने फटाहालाइ कारबाही हुन्छ,’ ओलीले भने, ‘मैले डिफेन्स गर्न खोज्या होइन, आन्दोलनलाई तुहाउन यस्तो काम भएको होला।’
उनले आफ्नो नियतमाथि प्रश्न नउठाउन पनि आग्रह गरे।
‘म धन कमाउन हिँडेको होइन, देश बनाउन हिँड्या हो। पैसा कमाउने भए व्यापार गर्थेँ,’ ओलीले भने।
सरकार प्रचारमुखी भएको आरोप खण्डन गर्दै ओलीले भने, ‘यत्रो सफलता, उपलब्धि प्रचार नगर्ने पनि हुन्छ र!’
बाँस्कोटाले संचारमन्त्रीको हैसियतले सि.जी. ग्रुपको अनियमितता, ठुला मिडीयाहरुले गरेको श्रम शोषण , अपारदर्शीता, पार्टी भित्रको आर्थिक /सामाजिक / राजनीतिक अराजकताको बारेमा खुलेर लडेेेेेका कारण र सरकारको निर्णयको दरो प्रतिरक्षा गरेको कारण उनको शाखको डीग्री ह्वात्तै बढेको थियो जसको प्रमाणस्वरुप प्रधानमन्त्रीले काभ्रेको कार्यक्रममा गोकुल बास्कोटाको र अरुको तुलना गर्नुबाट पनि स्पष्ट हुन्छ ।
अडियो सार्वजनिक भएपछि बास्कोटाले नैतिकताको आधारमा राजीनामा दिएर पार्टी,सरकार र अख्तियार क-कस्ले छानबिन गर्नुपर्ने हो गरोस, मैले गल्ती गरेको छैन भनेर छानबिनका लागि मार्ग प्रसस्त गरेका छन् ।