काठमाडौं, २६ माघ । आगामी आइतबारदेखि मौसममा सुधार आउने भएको छ । हाल पश्चिमी न्यूनचापीय प्रणालीका कारण खराबी भएको मौसममा आइतबार सुधार आउने मौसमविद्हरुले बताएका छन् ।
गत मंगलबारदेखि पश्चमी न्यूनचापीय प्रणालीको प्रभाव देखिएको हो । हिमाली क्षेत्रमा हिमपात भइरहेको छ ।
शनिबार काठमाडौं उपत्यकासहित पूर्वी क्षेत्रमा हलुकादेखि मध्यम वर्षा हुन सक्ने जल तथा मौसम विज्ञान विभाग पूर्वानुमान महाशाखाका मौसमविद् वरुण पौडेलले जानकारी दिए ।
पश्चिमी क्षेत्रमा भने बिहान सामान्य बदली भए पनि दिउँसोदेखि मौसम सफा हुने मौसमविद् पौडेलले बताए । काठमाडौं उपत्यकामा बिहान आंशिक बदली हुँदा हलुका वर्षा भए पनि दिउँसोदेखि भने घाम लाग्न सक्ने महाशाखाले जनाएको छ ।
