यस्तो देखियो महिनाभरी ६ मिनेटमात्र घाम लागेको यो शहर

पूरै महिनाभरी ६ मिनेटमात्र घामको किरण पाउनु कल्पना गर्नमात्र पनि मुस्किल पर्छ तर यो रसियाको राजधानी मस्कोको यथार्थ हो ।गएको २०१७ को डिसेम्बर महिना हालसम्मकै त्यहाँको सबैभन्दा अध्याँरो महिना रह्यो । सामान्यतया दिनमा एकघण्टा जस्तो घाम लाग्ने मस्कोमा गएको डिसेम्बरभरी नै ६ मिनेटमात्र घाम लागेको थियो ।

रसियाली मौसम विज्ञान विभागका प्रमुख रोमन भिलफ्यान्डले डिसेम्बर महिनाभरी मस्कोवासीहरु सफा आकाशको दृश्यावलोकनबाट बञ्चित भएको बताए ।

हालैको डिसेम्बर महिना रसियामा अहिलेसम्म कै सबैभन्दा अध्याँरा दिनहरु थिए । त्यहाँ मात्र ६ मिनेट स्पष्ट सूर्यको प्रकाश देखिएको कुरा मौसम विज्ञान विभागमा उल्लेख गरिएको छ । सन् २००० को डिसेम्बर भरी त्यहाँ मात्र ३ घण्टा सूर्यको प्रकाश देखिएको रेकर्ड छ ।

विभागका प्रमुख भिलफ्यान्डले यसको कारण अट्लान्टिकको परचक्रिय प्रणालीले अधिक बाक्लो बादल ल्याएर त्यस्तो भएको बताए ।