माछापुच्छ्रे क्रिकेट क्लब दुबई जाने

माछापुच्छ्रे क्रिकेट क्लब (एमसीसी) अभ्यासको लागि दुबई जाने भएको छ । क्लबको भ्रमण नोभेम्बर १७ देखि २२ तारिखसम्म हुनेछ । पोख्रेली क्लब माछापुच्छ्रेले दुबईको स्थानीय दुई क्लबसँग भिन्न मैदानमा मैत्रीपूर्ण खेल खेल्न लागेको हो । पहिलो खेलमा माछापुच्छे्र क्रिकेट क्लबले आईसीसी एकेडेमी मैदानमा दार्जिलिङ क्रिकेट क्लबसँग प्रतिस्पर्धा गर्नेछ । यो क्लबसँग माछापुच्छे्र क्रिकेटले नोभेम्बर १८ तारिखमा खेल्नेछ । दार्जिलिङ क्रिकेट क्लब दुबईको सबै भन्दा पुरानो क्लब हो । 
त्यस्तै, युएई भ्रमणको दौरानमा दोस्रो खेल वाईटीसीए दुबईसँग १९ नोभेम्बरमा एमसीसी अजमानमा खेल्नेछ ।

माछापुच्छ्रे क्रिकेट क्लबको नेतृत्व दिपेश खत्रीले गर्दैछन् । उनकै कप्तानीमा माछापुच्छे्रले दुई वटा खेल खेल्न लागेको हो । क्लबका अन्य सदस्यमा पूर्व अन्तर्राष्ट्रिय खेलाडी अभय राना, राष्ट्रिय खेलाडी सोनु तामाङ, सुमन उदय, रविन जोशी, प्रितम दुवाल श्रेष्ठ, र सुमन चौलागाई रहेका छन् ।