नेताका आनीबानी: देउवा मदिरा पिउने, ओली हारमोनियम बजाउने, प्रचण्ड एकाविहानै टिटि खेल्ने

काठमाडौं,– जोन किट्सले भने जस्तै सुनिएका संगीत समाजको गर्भबाट पैदा हुने हो । त्यस्तै नेतापनि जनताको गर्भबाटै पैदा हुने हुन् । आधुनिक मान्यता अनुसार नेता जनताको प्रतिनिधि हुन् । अझै सामान्य अर्थमा भन्ने हो भने जसले समाजको नेतृत्व गर्छ उही नेता हो । नेपाली राजनीतिका शीर्ष भनिएका पर्दा अगाडिका नेताहरु नेपाली सामाजका उत्पादन हुन् । ती नेताको जीवन पद्धतिको बारेमा सबैलाई चासो हुने गर्छ । अन्ततः आम मानिस जस्तै उनीहरु पनि सामान्य मानिस नै हुन् । प्रधानमन्त्री शेरबहादुर देउवा सहित शीर्ष नेताको आनीबानी यस्तो छ ।

शेरबहादुर देउवा , प्रधानमन्त्री

नेपाली कांग्रेसका सभापति एवं प्रधानमन्त्री शेरबहादुर देउवा बेलुका साढे १० बजेदेखि विहान सात बजे सम्म सुत्छन् । २४ घण्टाको एक दिनमा देउवा ९ घण्टा सुतेरै विताउँछन् । बेलुका १० बजे सम्म देउवा टिभी हेरेर विताउँछन् । विहान सात बजे उठेपछि चिया नास्ता खाने गर्छन् र विहान पत्रपत्रिका पढ्ने गर्छन् । उनको रुचीको विषय अध्ययन हो । उनको पार्टी सदस्य र घर परिवारसंगको व्यबहार छुट्टाछुट्टै हुने गर्छ । उनको नीजि सचिवालयका अनुसार परिवारका सदस्यहरुलाई देउवासँग भेट्न नपाएको गुनासो छैन । नीजि सचिवालयलाई पारिवारीक व्यवहार गर्छन् देउवा । देउवाले आफू अनुकुल राजनीतिक निर्णय हुँदा हँसिलो भाव देखाउने गरेको उनका स्वकिय सचिव भानु देउवा बताउँछन् । ८ बर्ष अघिदेखि उनले चुरोट पिउन छोडेका छन् । तर, मदिरा पिउने बानी भने हटेको छैन । उनी नुन त्यति खादैनन् । हरियो सागपात उनी बढि रुचाउँछन् । धेरै मात्रामा राष्ट्रिय पोसाक ‘दौरा सुरुवाल’ देउवाको रुचीको पोसाक हो ।

प्रचण्ड, अध्यक्ष, माओवादी केन्द्र

बेलुका १० बजे सुत्ने प्रचण्डको बानी छ । ५ बजे उठीसक्छन् उनी । त्यसपछि साइक्लीङ गर्ने तथा एक्सरसाइज गर्ने गर्छन् । टेबल टेनिस खेल्ने उनको नियमित तालिकामा पर्छ । टेबल टेनिस खेलेपश्चात नास्ता खाने र भेटघाट गर्छन् प्रचण्ड । फुर्सद भयो भने पुस्तक पढ्ने गर्छन् । सुगरले गर्दा गुलियो खान मिल्दैन । उनलाई माछाको परिकार मनपर्छ । त्यसपछि खानामा साग उनलाई मन पर्ने । स–सानो कुरामा भावुक र चिन्तित बन्ने गर्छन् । नीजि सचिवालयसंग साहार्दपुर्ण व्यहाबहार गर्ने गर्छन् । सबैलाई पारिवारीक व्यबहार गर्ने गरेको उनी निकट परिवारिक सदस्य बताउँछन् । उनका निकट सदस्यका अनुसार अहिले प्रचण्डले मदिरा पिउन छाडेका छन् ।

केपी ओली, एमाले अध्यक्ष

एमाले अध्यक्ष तथा पूर्व प्रधानमन्त्री केपी ओली विहान ५ बजे उठ्छन् र फीजीयोथेरापी गर्छन् । त्यसपछि एकसरो रुपमा विहान पत्रपत्रिका पढ्छन् । उनी साँझमा किताव पढ्छन् । संगीतको धूनमा बच्चाहरुलाई नचाउने सोख राख्छन् । पारिवारीक व्यावहार गर्ने र खुलस्त नेताको रुपमा परिचित छन् ओली । कार्यकर्तालाई पारिवारीक सदस्य सरह व्यबहार गर्ने गर्छन् । उनी टापटिपे छैनन् । उनको भाषीक शैलीमा उतारचढाव आइरहन्छ । कपडा यो नै मन पर्छ भन्ने छैन ओलीको । मृगौला ट्रान्सप्लान्ट गरेका कारण उनले इमिनो सस्प्रेस्यान्ट नामक औषधी सेवन गर्छन् । जसले गर्दा उनलाई बेला बेला उत्तेजक बनाउने गरेको छ ।

बाबुराम भट्टराई, संयोजक नयाँ शक्ति नेपाल

एका बिहानै घरमा याे गर्दै बाबुराम भट्टरार्इ

बाबुराम राति १२ बजे सम्म अध्ययन गरेर बस्छन् । त्यसपछि उनी विहान ५ बजे उठीसकेका हुनेछन् । उठेपछि बाबुराम योगा गर्छन् । त्यसपछि उनी रेडियो सुन्ने, पत्रपत्रिका पढ्ने कहिलेकाँहि ब्याटमिन्टन खेल्ने गर्छन् । बाबुराम ट्रेडमिलमा पनि कुद्छन् । उनी सबैलाई पारिवारीक व्यावहार गर्ने नेतामा पर्छन् । ‘हामीलाई आफ्नै परिवारमा भएको जस्तो अनुभूति हुन्छ । उनका स्वकिय सचिव विश्वदिप पाण्डेले भने ‘ रिसाएको थाहा छैन ।’ बाबुराम जाँड रक्सी चुरोट केहि पनि खादैनन् । तातोपानी चिसो बनाएर खाने उनको बानी छ । सुख्खा रोटी तितेकरेला, राज्मा दाल ब्राउन राईस भट्टराईको मनपर्ने परिकारहरु हुन् । उनी धेरै जनतालाई भेट्न चहाने र गाउँ जान रुचाउने नेता हुन् ।

माधव नेपाल, बरिष्ठ नेता,एमाले

एमाले बरिष्ठ नेता माधव नेपाल पनि अन्य नेता जस्तै ५ बजे उठिसक्छन् । अबेर राती १२ बजेपछि मात्रै उनी सुत्ने गर्छन् । बेलुका ९ बजेबाट राति १२ बजे सम्म अध्ययन गर्ने उनको बानी छ । विहान उठेपछि अध्ययन नै उनको रुची हो । फोटोग्राफी औधी मनपराउने उनी पनि आफ्नो नीजि सचिवालयलाई पारिवारीक व्यबहार गर्ने गर्छन् । उनको नाता गोताको भेट्न पाइएन भन्ने गुनासो अत्यन्त आउने गरेको उनका स्वकिय सचिव मोहन गौतमले बताए । उनी चुरोट खैनी जस्ता कुनै पनि अम्मल खादैनन् । मधेशमा हुर्केका नेपाल रोटी खान मन पराउँछन् । खसीको मासु उनी खान्नन् । लुगाको मिलाएर लगाउने नेपाल ‘सिम्पल’ कोटमा नै उनी जहाँ पनि पुग्ने गर्छन् ।