काठमाडौँ, ८ भदौ । राष्ट्रिय जनता पार्टी (राजपा) नेपालले आउँदो असोज २ गते हुने तेस्रो चरणको स्थानीय तह निर्वाचनमा भाग लिने भएको छ । व्यवस्थापिका संसद्ले संविधान संशोधनको विवाद टुङ्गो लगाएपछि राजपा नेपाल निर्वाचनका लागि तयार भएको हो ।
बबरमहलस्थित पार्टी केन्द्रीय कार्यालयमा दुई दिनसम्म चलेको पदाधिकारी बैठकले चुनावमा भाग लिनुपर्ने सुझाव नेतृत्वलाई दिएको राजपा नेपालका महासचिव जितेन्द्र सोनलले जानकारी गराउनुभयो । “के कारणले संविधान संशोधन विधेयक पारित हुन सकेन, त्यो कुराको जानकारी दिनकै लागि भए पनि राजपा नेपाल चुनावमा जानुपर्ने अवस्था रहेको छ”, उहाँले भन्नुभयो ।
उहाँले थप्नुभयो, “सबैलाई थाहा भएकै कुरा हो, नेकपा एमाले पार्टीका कारण संविधान संशोधन विधेयक पारित हुन सकेन, अहिले त्यो दल प्रदेश २ मा हुन गइरहेको स्थानीय तहको निर्वाचनमा भाग लिँदैछ, उसले त्यहाँका जनतालाई जवाफ दिनुपर्छ । ”
संविधान संशोधन विधेयक पारित नभएको कारण देखाउँदै राजपा नेपालले यसअघि दुई चरणमा भएको स्थानीय तहको निर्वाचनमा भाग लिएको थिएन । संसद्बाट भदौ ५ गते संशोधन विधेयक पारित नभएपछि राजपा नेपाल चुनावको तयारीमा जुटेको छ । राजपा नेपालले विधेयक अस्वीकृत भएको भोलिपल्ट नै पदाधिकारीको बैठक बोलाएर चुनावको विषयमा छलफल चलाएको थियो ।
छलफलमा अधिकांश पदाधिकारीले चुनावमा जान सल्लाह दिएको महासचिव सोनलले जानकारी गराउनुभयो । पदाधिकारी बैठक सम्पन्न भएलगत्तै बुधबार अध्यक्ष मण्डलको बैठक बसेको थियो । बैठकमा चुनाव चिह्न, उम्मेदवार छनोटको प्रक्रिया, चुनावी घोषणापत्र तयारी समिति लगायतका विषयमा छलफल भएको छ ।
निर्वाचन आयोगले छाता चुनाव चिह्न नदिएपछि राजपा नेपालमा आबद्ध पुराना छ दलका चुनाव चिह्नमध्ये एउटा कुनै लिने विषयमा छलफल भइरहेको छ । छलफलमा साइकल, तीर र पञ्जामध्ये कुनै एउटा लिएर चुनावमा सहभागी हुने गरी छलफल भइरहेको नेता सोनलले बताउनुभयो ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने