१३ असार, भोजपुर । निर्वाचनको पूर्वसन्ध्यामा प्रदेश नम्बर १ का भोजपुर र धनकुटा जिल्लामा बम बिष्फोट भएको छ । दुवै जिल्लामा भएका बिष्फोटमा मानवीय क्षति भने भएको छैन ।
भोजपुर नगरपालिका वडा नं. ४ सिद्देश्वरमा नेपाली कांग्रेसका वडा अध्यक्षका उम्मेद्वार प्रेम भण्डारीको घरमा विहान ७ बजे सुतली बम विस्फोट भएको हो ।
त्यस्तै भोजपुरकै उत्तरी षडानन्द नगरपालिका १३ बोयामा नेकपा एमालेका अध्यक्षका उम्मेद्वार इन्द्रकुमार श्रेष्ठको घरमा पनि विहान ४ बजे बम विस्फोट भएको जिल्ला प्रहरी कार्यालय भोजपुरले जनाएको छ । विस्फोटबाट कुनै क्षती भने भएको छैन ।
भोजपुरका प्रहरी प्रमुख डिएसपी काजीकुमार आचार्यका अनुसार भण्डारीको घरमा राखिएको अर्को बमलाई भने प्रहरीले निस्त्रिmय पारेको थियो । बम कसले राख्यो भन्ने अहिलेसम्म थाहा भएको छैन । बम राखेर आतंकित पार्ने समूहको खोजी भइरहेको प्रहरीले जनाएको छ ।
यसैबीच धनकुटामा पनि दुई स्थानमा बम बिष्फोट भएको छ । धनकुटा बजार नजिकै सल्लेरीमा सोमबार राति १२ बजे ठूलो आवाजका साथ विष्फोट भएको थियो । विष्फोटनको आवाजपछि बजारवासीहरु डराएर घरबाहिर निस्केका थिए ।
राति प्रहरीले विष्फोटको कारण पत्ता लगाउन नसकेपनि बिहान टुक्रा परेको सिलिण्डर फेला पारेपछि सिलिण्डर बम विष्फोट भएको रहस्य खुलेको हो ।
त्यस्तै साँघुरीगढी गाउँपालिकामा पनि बम विष्फोट भएको प्रहरीले जनाएको छ ।
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने