काठमाडौँ, ६ जेठ । स्थानीय तहको पहिलो चरणको निर्वाचनको नतिजाले यसअघिको त्रिपक्षीय राजनीतिक शक्ति सन्तुलनलाई नै कायम राखेको छ । मतपरिणाम आउने क्रम अन्तिम चरणमा पुग्दा पनि पुराना राजनीतिक शक्तिलाई नै जनताले ताजा जनादेश प्रकट गरेका छन् ।
हालसम्मको मतपरिणाम हेर्दा जनताले यस पटक पनि पुराना प्रतिस्पर्धी नेकपा (एमाले) र नेपाली काँग्रेसलाई पहिलो र दोस्रो स्थान दिएका छन् । त्यस्तै अहिलेको संसदीय संरचनामा तेस्रो स्थानमा रहेको नेकपा (माओवादी) केन्द्र तेस्रो स्थानमा नै रहेको छ तर चौथो शक्ति मानिएको राप्रपा भने निर्वाचनको नतिजा अनुसार जनताले कम रुचाइएको दल बनेको छ ।
शुक्रबार साँझसम्मको मतपरिणाम अनुसार पहिलो चरणमा निर्वाचन भएका प्रदेश नं. ३, ४ र ६ का २८३ स्थानीय तहमा भएको निर्वाचनमा हालसम्म नेकपा (एमाले) १०४ गाउँपालिका÷नगरपालिकाका प्रमुख जित्न सफल भएको छ ।
त्यस्तै नेपाली काँग्रेसले ९८ गाउँपालिका/नगरपालिकाका प्रमुख जितेको छ । यस्तै माओवादी केन्द्रले ४५ स्थानमा, राष्ट्रिय प्रजातन्त्र पार्टीले १, राष्ट्रिय जनमोर्चाले १ र नयाँ शक्तिले १ गाउँपालिका/नगरपालिकाका प्रमुखमा जितेका छन् । अन्यमा ३ स्थानमा स्वतन्त्र विजयी भएका छन् ।
यो तथ्याङ्क हेर्दा स्थानीय तहमा पुरानै राजनीतिक दलको पकड रहने सम्भावना बलियो भएर गएको छ । तथापि यसपटकको निर्वाचनमा पुराना राजनीतिक दल नेपाली काँग्रेस, नेकपा (एमाले), नेकपा (माओवादी) केन्द्र, राप्रपा नेपाल र नयाँ शक्तिदेखि साझा पार्टी, विवेकशील नेपालीसम्मका नयाँ राजनीतिक दलको उत्साहप्रद सहभागिता रहेको छ ।
नयाँ दलमा विवेकशील नेपाली र साझा पार्टीले राम्रो नतिजा ल्याउँदैछन् भने नयाँ शक्तिले अपेक्षाकृत रूपमा जनतामा आफूलाई स्थापित गर्न सकेन । स्थानीय तहको निर्वाचनको पहिलो चरणमा सबैले चासोका रूपमा हेरिएका काठमाडौँको काठमाडौँ महानगरपालिका, कास्कीको पोखरा–लेखनाथ महानगरपालिका, चितवनको भरतपुर महानगरपालिका, ललितपुरको ललितपुर महानगरपालिका र मकवानपुरको हेटौँडा उपमहानगरपालिका रहेका छन् । गोरखापत्र दैनिकमा अजय शर्माले खबर लेखेका छन् ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने