संविधान संसोधन प्रस्ताव फास्ट ट्रयाकबाट पारित गराउने सरकारी तयारी भैरहदा प्रधानमन्त्रीले आमसहमति खोज्नका लागि सर्वदलीय वैठक बोलाएका हुन् । यद्यपी विपक्षी एमालेसहितको गठबन्धनले भने अहिलेसम्म संसोधन प्रस्तावलाई स्वीकार गरेको छैन् । यसको विपक्षीमा उभिएको छ । सर्वदलीय वैठकपछि सरकार निर्णायक रुपमा अगाडि बढ्न सक्ने सत्तारुढ दलका नेताहरुको भनाई छ ।
प्रधानमन्त्रीको निजि सचिवालय स्रोतका अनुसार दुई चरणमा हुने चुनावको सुनिश्चताका लागि संसोधन प्रस्ताव पारित गराउन प्रधानमन्त्रीले वैठकमा आग्रह गर्नेछन् । संविधान संसोधन र निर्वाचनलगायतका विषयले देशको राजनीति पेचिलो बनेको छ ।
संसोधन र चुनाववारे सबै राजनीतिक दलको विश्वास लिन र भयरहित वातावरणमा निर्वाचन गराउने दायित्व सबै दलको हो भन्ने आत्मबोध गराउन प्रधानमन्त्रीले वैठक आव्हान गरेको बताइएको छ ।
तानातानमा सांसद
सरकारले आफ्नो प्रस्ताव पारित गराउन विपक्षीसहितको समर्थन खोजेको । तर, विपक्षी एमालेले समर्थन नदिएपनि दुई तिहाई जुटाएर पारित गराउने सरकारको गृहकार्य छ । यसका लागि साना दलमाथि सरकारले नजर रााखिरहेको सत्तारुढ दलका एक नेताले बताए । उता विपक्षी एमाले चाहीँ जसरी पनि एक तिहाई संसद विपक्षी गठबन्धनमा राखेर सरकारी प्रस्ताव तुहाईदिने रणनीति बनाएको छ । यस्तो अबस्थामा साना दलका सांसद तानातानमा पर्ने सम्भावना छ ।
हाल संसदमा ५९३ संसद सदस्य छन् । सरकारलाई संसोधन प्रस्ताव पारित गराउनका लागि ३९६ मतको खाँचो पर्दछ । सत्ता गठबन्धनले संविधान संसोधनको पक्षमा ३९८ मत जुटेको दावी गरेको छ । उता विपक्षी एमालेसहितका पार्टीले आफुहरुसँग एक तिहाई मत सुरक्षित रहेको दावी गरेका छन् ।
अहिले सत्तापक्षले आफुसँग काँग्रेसका २०७, माओवादीका ८१, राप्रपाका ३७, राजपा नेपालका २५, लोकतान्त्रिक फोरमका १६, संघीय समाजवादीका १५, नेकपा संयुक्तका ३ र अन्य दलबाट १४ गरी ३९८ सांसद रहेको दावी गरेको छ ।
हाल विपक्षीको खेमामा एमालेका १८१, माले ५, नमकिपा ४, बहुजन पार्टी १, नेपा पार्टी १ सांसदमा छन् ।