रौतहट, चैत – स्वास्थ्य सुचकांङ्कमा निकै पछाडि परेको रौतहटमा स्वास्थ्य मन्त्रालय र नेपाली सेनाले संयुक्त रुपमा थालेको पहिलो निःशुल्क साप्ताहिक सघन स्वास्थ्य शिविरमा सर्वसाधारणको अत्यधिक भीड लागेको छ ।
गत चैत ८ गतेदेखि रौतहट सदरमुकाम गौरमा शुरु भएको शिविरमा शुक्रबार साँझसम्म १ हजार ९ सय २९ पुरुष र २ हजार ३ सय २० महिला सहित ४ हजार ३ सय २० जनाले उपचार सेवा लिएको नेपाली सेनाका कर्णेल दीपक अधिकारीले जानकारी दिनुभयो ।
यस्तै ५८ बिरामीको मुख्य अप्रेशन गरिएको छ भने १९ जनाको सामान्य अप्रेशन गरी उपचार भइरहेको छ । स्वास्थ्य शिविरमा महिलाहरुको पाठेघरको समस्या, पुरुषहरुको हाइड्रोशील, हर्निया, फिस्टुला लगायत अन्य शल्यक्रिया गर्नुपर्ने रोगको उपचार थालिएको हो । नेपाली सेनाको मोबाइल अस्पताल र रौतहट जिल्ला अस्पतालमा गरी ३९ चिकित्सक खटिएका छन् ।
नेपाली सेनाका २१ जना डाक्टर, काठमाडौंको वीर, चितवनको भरतपुर, हेटौडा अस्पताल र गौर अस्पतालका १८ जना चिकित्सक खटिएका छन् ।
शुक्रबार स्वास्थ्यमन्त्री गगन थापा, रक्षामन्त्री बालकृष्ण खाँडले समेत शिविरको अवलोकन गरेका छन् ।
शिबिरको अवलोकनका क्रममा स्वास्थ्यमन्त्री गगन थापाले जिल्ला अस्पतालहरुको स्तरउन्नती गरी विरामीको सेवालाई गुणस्तरीयता बनाँउने प्रतिबद्धता जनाए । उनले स्वास्थ्य सेवामा पहुँच नपुगेका जनतालाई लक्षित गर्दै स्वास्थ्य मन्त्रालयले बृहत स्वास्थ्य शीविर आयोजना गरिएको जानकारी दिए ।
स्वास्थ्य शिविर अझै ३ दिनसम्म जारी रहनेछ । रौतहटको जिल्ला अस्पताल गौरमा दरबन्दी डाक्टर कहिल्यै नबस्ने स्थानीयहरुले बताए । जिल्लामा अस्पताल भएर पनि उपचार सेवा नपाएका बिरामीहरु भारतका अस्पताल जाने गर्थे । स्वास्थ्य मन्त्रालय र नेपाली सेनाले संयुक्त रुपमा शुरु गरेको स्वास्थ्य शिविर संचालनबाट स्थानीयले राहत महशुस गरेका छन् ।
जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार
वैशाख ३१, काठमाडौँ । उपप्रधान एवम् परराष्ट्रमन्त्री नारायणकाजी श्रेष्ठले रोगको उपचारमा भन्दा रोकथाममा केन्द्रित हुनुपर्ने
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
