March 9, 2017

प्रहरीसँगको मिलेमतोमा सीमामा तस्करी , कसरी हुन्छ सेटिङ ?

रुपन्देही । रुपन्देहीको भारतीय सीमा नाका बेलहिया क्षेत्र आसपासबाट नेपाल प्रहरीको मिलोमतोमा व्यापक रुपमा तस्करी बढेको छ । सीमा सुरक्षा, तस्करी र सीमा अपराध नियन्त्रणमा खटिएका प्रहरीहरुसँगको मिलोमतोमा तस्करी बढेको हो । सीमा क्षेत्रमा रहेको इलाका प्रहरी कार्यालय बेलहियामा नयाँ प्रहरी प्रमुख आएसँगै तस्करहरुले अवैध कार्यहरुलाई बढावा दिएका हुन् । नेपाल भारत सीमा नाका बेलहिया र यसको आसपास, भैरहवा भन्सार कार्यालय पछाडि, कोटियामाई मन्दिरको पूर्वी क्षेत्र बगाहा र पक्लिहवा क्षेत्रबाट अहिले तस्करहरुले तस्करी गरिरहेको खुलेयाम देख्न सकिन्छ ।

भारतीय बजारमा सस्तो र नेपाली बजारमा महँगो पर्ने सामानहरु अहिले भन्सार छली भएर नेपाल भित्रिरहेको व्यापारीहरु बताउँछन् । अहिले भारतीय बजारबाट अवैध मार्ग हुँदै चिनी, कस्मेटिक, तयारी पोषाक, सूर्तीजन्य पदार्थ, मोटर पार्टस, पानी तान्ने मोटर, हार्डवेयरका सामानहरु, किरानाका सामानहरु, कपडा, खाद्यान्न, इलेक्ट्रोनिकका सामानहरु र सुटिङ, सटिङका सामानहरु खुलेआम तस्करी हँुदै नेपाल भित्रिरहेको छ ।

पदमार्गबाट नेपाल आउन प्रतिबन्ध गरिएको पंक्षीजन्य कुखुरा र तीनका चल्ला समेत अहिले रुपन्देहीको सिमाक्षेत्रबाट तस्करी हुँदै नेपाल आईरहेको छ । बेलहिया नाकाबाट जसरी भारतबाट नेपालतर्फ अवैध रुपमा सामानहरु आइरहेको छ, त्यसरी नै नेपालबाट समेत बेलहिया नाका हुँदै फलफुल स्याउ, कवाड र कवाडको भित्र राखेर विभिन्न चाइनिज समानहरु भारततर्फ तस्करी भैरहेको खुलेआम देख्न सकिन्छ ।

उक्त नाकाबाट यसरी १ दर्जन भन्दा बढी तस्करहरुले काम गरिरहेका छन् । जसले इलाका प्रहरी कार्यालय बेलहियाका प्रमुखलाई मासिक, साप्ताहिक र दैनिक नगद बुझाउने गरेका छन् । तस्करसँगको प्रहरी सेटिङ मिलाउने काम गर्नका लागी समेत प्रहरी जवानहरु खटिएको स्थानिय राम केवट बताउँछन् ।

इलाका प्रहरी कार्यालय बेलहियाले अहिले असई खडानन्द यादव र प्रहरी जवान विरेन्द्र चौहानलाई तस्करसँग सेटिङ मिलाउने, असुल गर्ने गर्दछन् । उनीहरुले तस्करीमा सहयोग गरेबापत समयमा रकम नबुझाउनेलाई सुराकी गरी सामान पक्राउने समेत दोहोरो भूमिका निर्वाह गर्ने गरेको लुम्बिनीखबरलाई एक व्यापारीले जनाए । अहिले तयारी पोसाक, हार्डवेयरका समानहरु, पानी तान्ने पम्म र चिनीको भन्सारमा कमी आएको भैरहवा भन्सार कार्यालयको रेकर्डबाट देखिनुले पनि तस्करी भइरहेको कुरालाई पुष्टि गरेको छ ।

कसरी हुन्छ प्रहरी सेटिङ ?

सीमा क्षेत्रमा हुने तस्कर प्रहरीको सहमतीमा नै हुने गरेको देखिन्छ । प्रहरीको सहमती विना भारतिय बजारबाट नेपालमा हुने तस्करी त्यती सजिलो छैन् । सीमा क्षेत्रमा प्रहरीले सहमती नजनाएसम्म संस्थागत रुपमा तस्करी हुँदैन । प्रहरी र तस्करको सेटिङमा तस्करी हुने गर्दछ । बेलहिया नाकामा पनि प्रहरी र संस्थागत रुपमा तस्करी गर्नेहरु बीच सेटिङ मिलाएर तस्करी हुने गरेको छ । यस नाकाबाट १ दर्जन जति तस्करहरुले मासिक रुपमा प्रहरीलाई रकम बुझाएर तस्करी गर्ने गरेका छन् ।

बेलहियामा तस्करी गर्नेहरु

बेलहियामा अहिले तस्कर गर्नेहरु कोही भारतीय नागरिक छन् भने कोही नेपाली नै छन् । यी तस्करहरुको काम सँधै सीमा क्षेत्रमा तस्करी गर्नु हो । प्रहरीसँग यिनीहरुको सेटिङ मिलेमा तस्करी गर्ने सेटिङ नमिलेमा तस्करी रोक्ने गर्दछन् । आफुलाई गुप्ता भनेर चिनाउने एकजना मुस्लिमले दैनिक सुर्तीको काम गर्दछन् । कपडाको काम गर्नेहरु शम्भु भन्ने एकजना मुस्लिम रहेका छन् । पेन्टको तस्करी गर्ने नाटे, सुकु र पण्डित नाम गरेका तस्कर रहेका छन् । यिनीहरुले पानी तान्ने पम्पदेखि पाएसम्म सबै समान तस्करी गर्ने गरेका छन् ।

नेपालबाट भारत तर्फ फलफुल स्याउको कारोबार गर्नेहरुमा यादव थरका दुई जना रहेका छन् । उनीहरुको बेलहिया स्थित ममता होटलको दक्षिण साईडमा गोदाम रहेको छ । भैरहवाबाट चाईनीज स्याउ गोदाम सम्म पु¥याउने र साईकलमा भारतीय बजार सम्म लैजाने काम गर्दछन् । यिनीहरुले बाईपास हुदै साईकलमा सामान पारी पु¥याउँछन् । अफ्रोज जसले नेपालको कवाड भारतीय बजार सम्म पु¥याउने र भारतीय बजारबाट नेपाल तर्फ ल्याउन सकिने जुन पनि सामान क्यारिङ गरी नेपाल ल्याउने काम गर्दछन । यूनाइटेड पोष्ट साप्ताहिकमा खबर छ ।

प्रतिक्रिया दिनुहोस्
सम्बन्धित वर्गका समाचारहरू

झिनो अङ्कले घट्यो नेप्से

फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

यसरी परे दुई न्यायाधीश बर्खास्तीमा

 फागुन १४, काठमाडौँ। न्याय परिषद्ले उच्च अदालतका न्यायाधीश डा. नवराज थपलिया र अम्बिकाप्रसाद निरौलालाई बर्खास्त

कब्जा गरेको जग्गाको विवरण पठाउन गृहको निर्देशन

 फागुन १०,काठमाडौं। सरकारले देशभर अतिक्रमण गरेको सरकारी तथा सार्वजनिक जग्गाको विस्तृत विवरण पठाउन ७७ वटै

आजदेखि एमाले केन्द्रीय कमिटी बैठक

फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक

मानव अधिकार उल्लङ्घनमा नौ हजार ३८८ पीडित

 फागुन ७,काठमाडौं। सन् २०२३ मा मानव अधिकार उल्लङ्घन तथा ज्यादतीको घटनामा नौ हजार ३८८ जना पीडित