२६ माघ, काठमाडौं । राप्रपा नेपालबाट अलग्गिएका नेता केशरबहादुर विष्टको नेतृत्वमा ‘सेरेमोनियल राजतन्त्र’ सहितको एजेन्डा लिएर नयाँ राजनीतिक शक्ति निर्माण हुने भएको छ । अमेरिकामा राजनीति गरेर फर्केका दर्शन रौनियारदेखि १७ वर्ष जेलजीवन बिताएका एमाले नेता मोहनचन्द्र अधिकारीसम्म यो राजावादी शक्तिमा जोडिँदैछन् ।
‘एकीकृत राष्ट्रवादी शक्ति निर्माण अभियान’ नाम दिइएको राजनीतिक शक्तिको औपचारिक घोेषणा भोलि (बिहीबार) नयाँ बानेश्वरबाट हुनेछ । यसलाई सुरुमा अभियानका रुपमा अघि बढाएर पछि पार्टीको रुप दिइने संयोजक विष्टले अनलाइनखबरलाई बताए ।
वैकल्पिक राजनीतिक शक्तिका रुपमा उदाउने दाबी गरिएको यस अभियानले तीनवटा एजेन्डा बोकेको छ । विष्टका अनुसार तीन एजेन्डामा सेरेमोनिनयल राजतन्त्र पुनस्र्थापना हुनुपर्ने, संघीयता खारेज गरिनुपर्ने र हिन्दू राष्ट्र कायम हुनुपर्ने रहेका छन् ।
आफू आवद्ध रहेको कमल थापा नेतृत्वको राप्रपा नेपालले यी एजेन्डाहरुलाई कुल्चेर हिँडेकाले नयाँ शक्ति निर्माण गर्नुपरेको विष्टले बताए ।
राजतन्त्रबाहेकका मुद्दामा सहमत छु : रौनियार
अमेरिकाबाट फर्केर नेपालमा राजनीति गर्न तम्सिएका दर्शन रौनियारले सेरेमोनियल राजतन्त्र बाहेकका मुद्दामा यस अभियानसँग आफ्नो मत मिलेको बताए । संघीयता खारेजी र हिन्दू राज्य कायम गर्नुपर्ने मुद्दामा आफू सहमत भएको, तर सेरेमोनियल राजतन्त्रका विषयमा कुरा मिल्न बाँकी रहेको रौनियारको भनाइ छ ।
‘राजतन्त्रका विषयलाई जनमत संग्रहबाट टुंगो लगाउनुपर्छ भन्नेमा म ओपन छु,’ रौनियारले अनलाइनखबरसँग भने, ‘यस विषयमा हामी छलफलमै छौं ।’
रौनियारले ‘मुभमेन्ट फर चेन्ज’ का नाममा बेग्लै अभियान पनि चलाइरहेका छन् । पछि गएर दुवै अभियानलाई समायोजन गरी पार्टीको रुप दिने योजना रहेको उनले सुनाए ।
‘अहिलेलाई उहाँ (केशरबहादुर)हरुको अभियानमा म सामेल हुन्छु, र मेरो अभियानमा उहाँहरु सामेल हुनुहुन्छ,’ रौनियारले भने, ‘पछि गएर हामी एक हुनेछौं ।’
आफूसँग एउटा विकसित मुलुकमा गएर राजनीति गरेर नेपाल र नेपालको इज्जत बढाएको अनुभव रहेको दाबी गर्दै रौनियारले भने- ‘अब म यो अनुभवलाई आफ्नो देशभित्र सदुपयोग गर्न चाहन्छु ।’
आगामी ०७४ साल माघ ७ गतेदेखि संसदको म्याद सकिने भन्दै रौनियार त्यसको एक घण्टा पनि म्याद थप्न नदिने कुरालाई आफूहरुको अभियानले प्रमुखता दिएको बताए ।
अभियानका संयोजक विष्टले आफ्नो अभियानमा ५/७ वटा पार्टीहरु सहभागी भइसकेको र विहीबारको कार्यक्रमबाट थप दलहरु सहभागी हुने बताए ।
मङ्सिर २६, काठमाडौं। प्रधानमन्त्री केपी शर्मा ओलीसमक्ष राष्ट्रिय सूचना आयोगका नवनियुक्त प्रमुख आयुक्त डा. सुरेशप्रसाद आचार्यले
कात्तिक ११, काठमाडौँ। प्रधानमन्त्री केपी शर्मा ओलीले सत्ता सौदाबाजीका लागि राष्ट्रियताका हितका प्रश्नमा कुनै सम्झौता नगरिने
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
भदौ २१, काठमाडौँ। नेपाल दूरसञ्चार प्राधिकरणले टिकटकमा लगाएको सबै प्रतिबन्ध हटाएको छ। शुक्रबार सूचना सार्वजनिक गर्दै
भदौ २०, सुर्खेत। नेकपा (एमाले) का महासचिव शङ्कर पोखरेलले देशमा बलियो शक्ति आवश्यक भएकाले २०८४ मा
साउन १५,काठमाडौँ। प्रधानमन्त्री केपी शर्मा ओलीले सरकारका सचिवहरूलाई बिमा भुक्तानी, भ्याट रकम फिर्ता, किसानको दुध र
