असार १२, काठमाडौं–सरकारले स्थानीय तह दोस्रो चरणको निर्वाचनमा ढुक्क भएर मतदान गर्न आम मतदातालाई आह्वान गरेको छ ।
गृहमन्त्री जनार्दन शर्माले सबै मतदान केन्द्रमा सुरक्षाको व्यवस्था सुदृढ रहेको उल्लेख गर्दै ढुक्क भएर मतदानमा भाग लिन सबै मतदातासँग आग्रह गरेका हुन् ।
सोमबार काठमाडौंमा आयोजित साक्षात्कार कार्यक्रममा बोल्दै उनले पहिलो चरणको निर्वाचनको अनुभवलाई समेत ध्यानमा राखेर स्थानीय तह दोस्रो चरणको निर्वाचनको सुरक्षा व्यवस्था थप विकसित र परिमार्जित गरिएको पनि स्पष्ट पारे ।
बुधबार १, ५ र ७ नम्बर प्रदेश अन्तरगतका ३ सय ३४ वटा स्थानीय तहमा दोस्रो चरणको निर्वाचन हुँदैछ । गृहमन्त्री शर्माले निर्वाचनका लागि आवश्यक सबै सुरक्षा व्यवस्था गरिएको पनि स्मरण गराए । उनले मतदान केन्द्र, मतदान स्थल, मतपेटिकाको सुरक्षा र मतगणना समेतलाई ध्यानमा राखेर सुरक्षा व्यवस्था मिलाइएको पनि बताए ।
सरकारले अति संवेदनशील, संवेदनशील र सामान्य गरी तीन वटा सुरक्षा घेरा बनाएर सुरक्षाकर्मी परिचालन गर्ने नीति नै बनाएको छ ।
गृहमन्त्री शर्माले स्थानीय तहको निर्वाचनलाई सहज रुपमा सम्पन्न गर्न सरकारले तीन चरणमा निर्वाचन गर्नु परेको पनि प्रष्टिकरण दिए ।
उनले मधेश केन्द्रित सबै दललाई निर्वाचन ल्याउन पनि सरकारले तेस्रो चरणको निर्वाचन असोज २ गते गर्ने निर्णय लिनु परेको पनि स्पष्ट पारे ।
गृहमन्त्री शर्माले दोस्रो चरणको निर्वाचनमा स्वतन्त्र उम्मेदवारको हैसियतमा राष्ट्रिय जनता पार्टी, नेपालले समेत निर्वाचनमा भाग लिने वातावरण बनाउनु सरकारको ठूलो सफलता भएको पनि उल्लेख गरे । उनले विप्लव नेतृत्वको नेपाल कम्युनिष्ट पार्टीले समेत निर्वाचनमा भाग लिएकोमा खुसी समेत व्यक्त गरे ।
गृह मन्त्रालयले स्थानीय तह दोस्रो चरणको निर्वाचनका लागि आवश्यक्ता अनुसार सुरक्षाकर्मी परिचालन गर्ने व्यवस्था गरेको पनि जनाएको छ ।
गृहमन्त्री शर्माले मौन अवधिमा निर्वाचन आचारसंहिता विपरितका गतिविधि नगर्न पनि सबैमा आग्रह गरे ।
बुधबार तीन वटा प्रदेश अन्तरगतका ३५ जिल्लाका ८ हजार ३ सय ६४ मतदान केन्द्रमा निर्वाचन हुँदैछ । यता, निर्वाचन आयोगले पनि सरकारले निर्वाचनका लागि आवश्यक सुरक्षा व्यवस्था मिलाएको जनाएको छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने