२० जेठ, सिराहा । दोस्रो चरणको स्थानीय निर्वाचनका लागि राजनीतिक दलहरुले सिराहामा सक्रियता बढाएको छ । राजनीतिक दलहरु यतिबेला उम्मेदबार छनौट गर्न कसरत गरिरहेको छ ।
सिराहामा ७ नगरपालिका र १० गाउँपालिका छन् । सबै तहमा आफ्ना उम्मेदवार जित्ने भन्दै दलहरुले उम्मेदबार छनौटलाई तीव्र बनाएका छन् ।
जिल्लाका नेताहरुका अनुसार निर्वाचनलाई सफल बनाउनका निम्ति पहिलो चरणमा उम्मेदवार छनोटलाई प्राथमिकता दिइएको छ । मुख्य दलहरु कांग्रेस, एमाले, नेकपा माओवादी केन्द्र र संघीय समाजवादी फोरमले उम्मेदबार छनौट गर्ने कार्यलाई तिब्र बनाएका छन् ।
उम्मेदबार छनोटको मामिलामा नेकपा माओवादी केन्द्र अगाडि देखिएको छ । यो पार्टीले जिल्लाका आधाजति स्थानीय निकायमा उम्मेदबार छनौट गरिसकेको छ ।
पार्टीका जिल्ला अध्यक्ष रामकुमार यादवले नगरपालिकाका मेयर र उप मेयरको छनौट भइसकेको जानकारी दिए । उनले वडा अध्यक्ष तथा सदस्यहरुको छनोट अन्तिम चरणमा रहेको बताए ।
पार्टीका पोलिटब्यूरो सदस्य रामनारायण सिंहले जिल्लामा जितिने उम्मेदबारहरु छनोट भइरहेको दाबी गरे ।
नेपाली कांग्रेस सिराहाले पनि उम्मेदबार छनौट गर्न छलफल र बैठकलाई तिब्र बनाएको छ । जिल्ला सभापति रामचन्द्र यादवले वडा तहमा लगभग उम्मेदवार छनोटको काम भइरहेको र गाउँ तथा नगरपालिकाको प्रमुख र उप प्रमुखका लागि घनिभूत छलफल भइरहेको जानकारी दिए ।
त्यस्तै नेकपा एमाले पनि उम्मेदबार छनोटमै केन्द्रित भएको छ । जिल्ला अध्यक्ष प्रमोद यादवले जिल्ला तहबाट उम्मेदबार छनोटको काम सकेर प्रदेशमा पठाइसकिएको बताए । उनले प्रदेशबाट नाम पारित भएर आएपछि सार्वजनिक गरिने बताए ।
संघीय समाजवादी फोरम नेपाल पनि उम्मेदबार छनोटमा केन्द्रित बनेको छ । केन्द्रीय सदस्य सत्यनारायण यादवले दैनिकरुपमा उम्मेदबार छनोटका लागि जिल्लाको सबै ठाउँमा छलफल भइरहेको बताए । उनले जेठ मसान्तभित्र उम्मेदबार टुंगो लगाइने जानकारी दिए ।
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित