नेपाली कांग्रेसका महामन्त्री गगन थापालाई अर्को चुनावमा टिक्न गाह्रो छ । काठमाडौं क्षेत्र नम्बर ४ बाट उम्मेदवारी दिएका थापा धेरै मतान्तरले पराजित हुने प्रक्षेपण लगाउन थालिएको छ । क्षेत्र नम्बर ४ कै जनताले यसपटक थापालाई पराजय गर्ने सोच बनाइसकेका छन् । जबसम्म थापा हार्दैनन् तबसम्म क्षेत्र नम्बर ४ को विकास सम्भव छैन् भन्ने कुरा पुष्टि भइसकेको छ ।
देशको प्रधानमन्त्री हुन्छु भनेर दाबी गर्दै आएका थापालाई आगामी निर्वाचनमा ठूलो झट्का लाग्नेछ । प्रधानमन्त्री हुने सपना छोडौं, सांसदभित्री पनि छिर्न पाँउदैनन् । अघिल्लो चुनावमा जनताले विश्वास गरेर उनलाई मत दिए । चुनाव जिताए । तर, विकासको सिन्कोसमेत भाँच्न सकेनन्, थापाले । यता, स्वास्थ्यमन्त्री हुँदा पनि भ्रष्ट्राचारबाहेक अरु केही गरेनन् । खाली ठूल्ठूला कुरा गर्ने तर केही पनि पूरा नगर्ने ।
अर्कोलाई गाली गरेर माथि आँउछु भन्ने सोच राख्ने । आफ्नो क्षेत्रका जनताका निम्ति केही पनि नगर्ने । जसले कमिशन दिन्छ उसैलाई ठेक्कापट्टा दिने । चुनाव आएपछि जनताको ढोकामा आउने, चुनावपछि फर्किएर पनि नहेर्ने । यस्तो व्यक्तिलाई भोट दिएर के अपेक्षा राख्ने ? अबको प्रधानमन्त्री म भन्दै थापाले भोट मागिरहेका छन् । जसले एउटा स्वास्थ्य क्षेत्र त सम्हाल्न सकेन्, उसले तीन करोड नेपाली सम्हाल्न सक्छ ?
थापाभन्दा खुङ्खार व्यक्तिहरु प्रधानमन्त्रीको लाइनमा छन् । नेपाली कांग्रेसका सभापति एवम् देशका प्रधानमन्त्री शेरबहादुर देउवाले उनलाई प्रधानमन्त्री बन्न देलान् । अबको प्रधानमन्त्री देउवा नभएपनि लाइनमा त थुप्रै छन् । माओवादीका अध्यक्ष पुष्पकमल दाहाल, नेकपा एमालेका अध्यक्ष केपी शर्मा ओली, एकीकृत समाजवादीका अध्यक्ष माधवकुमार नेपाल, झलनाथ खनाल सबै प्रधानमन्त्रीकै दौडमा छन् ।
राजनीतिको पुरै पाठ पढिसकेकाले थापाजस्तोलाई प्रधानमन्त्री बन्न दिन्छन् ? थापा अमेरिकाको दलाली हो भन्ने थाहा नहुने त सायदै कोही होलान् । एमसीसी पास गर्न थापाले जति जोडबल कसैले पनि गरेन् । एमसीसीको पक्षमा बोल्ने र एमसीसी पारित गर्न पहल गर्ने हर्ताकर्ता उनी नै हुन् । भोलि एमसीसीका कारण हाम्रो शान्तिपूर्ण मुलुकमा केही दुर्घटना घट्यो भने यसको जिम्मेवार थापा हुनुपर्छ ।
अमेरिकाको सेना नेपाल आएर बस्यो भने मलाई चारपाटा मुडेर थानकोट कटाउनु भनेर सदनमा उभिएर थापाले भाषण गरेका थिए । अमेरिकी सेना नेपाल आउने भयो भनेर अहिले चौतर्फी चर्चा चलेको छ । अब थापालाई भोट दिने होइन्, चारपाटा मुडेर थानकोट कटाउने तयारी गर्नुपर्छ । हिजो त्यत्रो जनता सडकमा आँउदा आँउदै पनि एमसीसी पास गर्ने पक्षमा थापा उभिएका थिए ।
कतिले टाउको फुटाए, सडकमा रगतको धारा बग्यो, सुरक्षाकर्मीहरु समेत घाइते भए । क्षेत्र नम्बर ४ कै जनताले समेत हामीलाई एमसीसी चाँहिदैन् भनेर आवाज उठाएका थिए । प्रचण्ड र माधवकुमार नेपाल सरकार छोड्न तयार भइसकेका थिए । यस्तो अवस्था बन्दा पनि थापाले आफ्नो जिद्द छोडेनन् । प्रधानमन्त्री देउवालाई घुँडा टेकाएर एमसीसी पास गराएरै छोडे ।
मुलुकमा केही खतरा आयो भने जनता आफैंले थापालाई देश निकाला गर्नेछन् । गगन थापाको सम्पत्ति कति छ ? अख्तियार दुरुपयोग अनुसन्धान आयोग र शुद्धिकरण विभागले छानबिन गर्दैन् । न उनले कहिल्यै सार्वजनिक गरेका छन् । उनी बाहिर जति कुराको चिप्लेटी खेल्छन्, भित्र त्यति नै भ्रष्टाचारि छन् भन्ने कुरा क्षेत्र नम्बर ४ का जनताले राम्रोसंग पत्तो पाएका छन् ।
थापाले यो क्षेत्रबाट चुनाव हार्छन् भन्ने भेऊ पार्टीलाई पहिल्यै थाहा थियो । जसका कारण पार्टीले उनलाई सर्लाही क्षेत्र नम्बर ४ बाट चुनाव लड्न सुझाएको थियो । थापाले फेरिपनि काठमाडौंबाट चुनाव लडे भने अवश्य पनि हार्छन् भन्ने कुरा त कांग्रेसका कार्यकर्तालाई पहिले नै ज्ञान थियो । एक्लै चुनावमा गयो भने हार्छु भनेर थापालाई पनि खबर थियो ।
तर, समाजवादी, माओवादी र राष्ट्रिय जनमोर्चा पार्टीको समर्थन पाएपछि उनले दोहोर्याएर आउने आँट गरेको प्रष्टै बुझिन्छ । उनका निकटस्थ र उनीमाथि आँखा चिम्लेर विश्वास गर्नेहरु अझै पनि देशको प्रधानमन्त्री थापा भन्दै हिँडेका छन् । दिँउसै सपना देख्ने र देखाउने लाई के नै भन्न सकिन्छ ? पार्टीका सभापति देउवाले थापालाई प्रधानमन्त्री दिन्छन् ? अर्को तिर गठबन्धनले उनलाई समर्थन गर्लान् ?
बाबुराम भट्टराईले देशका प्रधानमन्त्री प्रचण्ड भनिसकेका छन् । यता, माधवकुमार नेपालले पनि देउवा र प्रचण्डलाई प्रधानमन्त्रीको जिम्मेवारी सुम्पिसकेका छन् । थापा त प्रधानमन्त्री बन्ने दौडमै छैनन् । अनि जनतालाई ठूल्ठूला आश्वासन दिएर कतिञ्जेल ढाँट्ने ? थापाको भाषण आउनेबित्तिकै च्यानल परिवर्तन गर्नुपर्ने यस क्षेत्रका जनताहरु बताउँछन् । उनी बोल्दा गुण्डा बोलेझैं अनुभव हुने गरेको उनीहरुको भनाइ छ ।
देशको राजनीति परिवर्तन गर्न थापाको केही योगदान छैन् । उनको पृष्ठभूमि केलाउने हो भने उनी हिजो गुण्डा नै थिए । क्षेत्र नम्बर ४ का जनतालाई केही पनि सेवासुविधा छैन् । पानीको व्यवस्था छैन्, ढलको समस्या पनि उस्तै । यहाँको सडक हिँउदमा धुलाम्मे र बर्खामा हिलाम्मे हुन्छ । पानी पर्यो भने घरभित्रै बाढी पस्छ । क्षेत्र नम्बर ४ भन्दा रामेछापमै बढी विकास भएको छ ।
रामेछापभन्दा पिछडिएको क्षेत्रमा पर्छ, क्षेत्र नम्बर ४ । पार्टीलाई थर्काएर, दबाबमा पारेर सांसद्को टिकट पाएका उनीसंग वडाध्यक्ष सम्हाल्न सक्ने हैसियत छैन् । उनीसंग कति काम गर्ने क्षमता छ भन्ने कुरा स्वास्थ्यमन्त्री हुँदै थाहा पाइएको छ । उनको दाँयाबाँया लाग्ने सबै गुण्डा हुन् । पहिले पनि गुण्डाकै आडमा चुनाव जितेका हुन्, अहिले पनि त्यही भ्रम पालिरहेका छन् ।
उनी कस्तो मान्छे हुन् ? भनेर बाहिर आउन अझै पनि बाँकी छ । जनतालाई उनले भुंग्रामा राखेका छन् । गगन थापाको बारेमाा बाहिर ल्याउनुपर्ने धेरै कुरा छन् । सञ्चारमाध्यमले यसको खोजतलास गरेर जनतालाई सुसूचित गराउनुपर्छ । थापा ठूलो नेता हुन् भन्ने जुन भ्रम थियो, त्यो विस्तारै तोडिँदै छ । हिजोभन्दा आजका जनता धेरै सचेत भइसकेका छन् । फेरिपनि थर्काएर, धम्काएर, पैसा बाँडेर चुनाव जित्छु भनेर सपना नदेख्दा नै उचित होला ।
वर्षौ स्वास्थ्यमन्त्री हुँदा उनले गरेको तीनवटा राम्रो काम कसैलाई स्मरण छैन् । गरेको भए पो स्मरण हुन्थ्यो । एउटा साधारण परिवारमा जन्मिएका व्यक्ति अहिले सोखी जीवन बिताइरहेका छन् । उनले चढ्ने गाडी, बस्ने घर, जग्गा, बैंकव्यालेन्सबारे कसैलाई पनि थाहा छैन् । उनीसंग अर्बौंको सम्पत्ति भएको बताइन्छ । गगन थापाको देखाउने र चपाउने दाँत भिन्दाभिन्दै छ ।
जो पार्टीको नेता बन्न सकेको छैन्, त्यो राष्ट्रिय नेता बन्न सक्छ ? सबै कांग्रेसीले उनलाई नेता मान्दैनन् । केही गुटको नेता हुन् उनी । पार्टी सभापति देउवा र उनी पक्षका कार्यकर्ता समेत थापाले चुनाव हार्नुपर्ने बताउँछन् । कांग्रेस पनि दुई गुटमा भाँडिएको छ । थापा हार्नुपर्छ भन्ने पक्ष एकातिर छन् । देउवालाई अप्ठ्यारो नपरोस् भन्ने भावना राख्नेहरु थापाको विपक्षमा खडा भएका छन् ।
क्षेत्र नम्बर ४ ले देशको प्रधानमन्त्री पाँउछ भनेर थापाले जनतालाई आश्वासन दिइरहेका छन् । तर, निर्वाचनपछि देशको प्रधानमन्त्री होइन् उनको हरिबिजोग हुने स्पष्ट छ । उनको विकल्प खोज्न थालिएको छ । राम्रो काम गरेको भए, जनताको पक्षमा बोलिदिएको भए पत्याउने बाटो थियो । पहिलोचोटि यो क्षेत्रबाट चुनाव लडेको भएपनि जनताको साथ समर्थन हुन्थ्यो, होला । तर, थापाले यो क्षेत्रबाट दुई पटक चुनाव जितिसकेका छन् ।
उनीबाट जनता आजित भइसकेका छन् । झुठो आश्वासन बाँडेर जनतालाई कतिञ्जेल झुक्याइरहने ? जनताहरु धेरै टाठाबाठा भइसकेका छन् । जालझेलको पछाडि लाग्दैनन् । पछिल्लो समय उनी सञ्चारमाध्यममा छाउनसमेत छोडिसकेका छन् । अरुलाई गाली गरेर हाइलाइटमा आउने व्यक्तिलाई सञ्चारमाध्यमहरुको पनि समर्थन छैन् ।
अबको चुनावपछि उनले राजनीतिबाट सन्यास लिन्छन् भन्ने विषयमा बहस चलेको छ । आगामी निर्वाचनपछि पार्टीको अवरोध हट्छ भनेर धेरै कांग्रसीले अपेक्षा गरेका छन् । उनले दबाएर राखेकालाई माथि उठ्न सहज हुन्छ ।
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका