दुबईमा १७ जना युवाहरू ६ महिनादेखी अलपत्र,स्वदेश झिकाईदिन आग्रह

२५ भदौ,काठमाडौं ।
सिनामंगलमा रहेको Leading Foreign Recruitment Pvt.ltd ले ३ हजार  दिराम पारिश्रमिक दिने प्रलोभन देखाएर दुबई पठाएका १७ जना युवाहरू बिगत ६ महिनादेखि अलपत्र परेका छन।

दुबईमा रहेको UPLIFT DELIVERY SERVICES नामगरेको कम्पनिमा मोटर बाईक राईडिङको लागि काम गर्न पुगेका युवाहरू बिगत ६ महिनदेखी भनेअनुसारको काम नपाउंदा बेखर्ची र अलपत्र परेका हुन ।

दुई महिनामा काम हुन्छ भनेर काठमाडौंको सिनामङ्गलमा रहेको Leading Foreign Recruitment Pvt.Ltd नाम गरेको मेनपावरले प्रत्येक संग २ लाख ५० हजार देखि ३ लाख पचासहजार सम्म रकम लिएर ती युवाहरूलाई त्यहाँ पठाएको थियो।

‘फ्री भिसा फ्री टिकट’ को कामदार भिसामा मोटो रकम मेनपावर लाई बुझाएर दुबई पुगेका युवाहरूले मेनपावरले गराएको सम्झौता अनुसारको काम नपाउंदा करिब ६ महिनादेखी बेतलबी र बेखर्ची हुंदा सरकार संग नेपाल झिकाईदिनको लागि अपिल गरेका छन।

मेनपावरले सम्झौता गराउंदा खाना,बस्न र बेसिक स्यालरी सम्पुर्ण कम्पनिलेनै दिन्छ भनेर पठाएको र नेपालमा गरिएको करार सम्झौतामा पनी त्यही लेखिएको भएपनी त्यहाँ पुगेपछि अवस्था त्यस्तो नभएको पीडित श्रमिहरुको गुनसो गरेका छन।

आफुहरुलाई भने अनुसारको काम र तलब नभएको र नेपाल झिकाईदिनको निमित्त बारम्बार जानकारी गर्दा पनि उनिहरुलाई पठाउने Leading Foreign Recruitment मेनपावरले कुनै वास्ता नगरेको पिडितहरुले दुखेसो व्यक्त गरेका छन।