पाटी भन्ज्याङमा निशुल्क स्वास्थ्य शिविर सम्पन्न

१८भदौ,भक्तपुर ।
सुर्यविनायक नगरपालिका वडा नं.-८को आयोजना र हेल्दी हार्ट क्लिनिकको सहयोगमा पाटिभन्ज्याङमा एकदिवसीय निशुल्क स्वास्थ्य शिविर सम्पन्न भएको छ।

वडा नं.-८ र भक्तपुरकै ग्रामिण भेगमा पर्ने पाटिभन्ज्याङमा संचालित स्वास्थ्य शिविरमा बालबालिका,जेष्ठ नागरिक,महिला ,अशक्त लगाएत सयौं स्थानीय नागरिकहरूले स्वास्थ्य शिविरबाट प्रत्यक्ष रुपमा लाभ लिएको वडा नं.-८ का अध्यक्ष पुष्पराज बस्नेतले बताउनुभयो।

त्यस्तै,शहरका हस्पिटलहरुको पहुँचभन्दा टाढा रहेका जनता जसले नियमित स्वास्थ्यजाँच गर्न भ्याइरहेका छैनन्।शनिबार एकदिन छुट्टी पाउने साना-साना विद्यार्थी जो नियमित स्वास्थ्य परिक्षणको निमित्त नगर अस्पताल समेत पुग्न भ्याउंदैनन त्यस्ता नागरिक तथा बालबालिकाको निमित्त स्वास्थ्य शिविर आयोजना गरिएको निवर्तमान वडा अध्यक्ष,समाजसेवी एवं नेकपा(एमाले)का नेता किरण थापाले बताउनुभयो।स्थानीय जनताको स्वास्थ्य बारे चिन्तित नेता थापाकै बिशेश पहलमा सुर्यविनायक नगर अस्पतालको स्थापना भएको थियो।

कार्यक्रममा निवर्तमान वडा अध्यक्ष एवं नेकपा(एमाले)का नेता किरण थापा,वडा अध्यक्ष पुष्पराज बस्नेत,कार्यपालिका सदस्य सावित्री मिश्र,वडा सदस्य विक्रम तामाङ,अन्जना नेपाली र निवर्तमान वडा सदस्य अजय तामाङ लगाएतको उपस्थिति रहेको थियो।