काठमाडौं, वैशाख १७ – नयाँ शक्तिले विभिन्न जिल्लाहरुमा आफ्ना उम्मेदवार चयन प्रक्रिया तीव्र बनाएको छ ।
नयाँ शक्ति पार्टी र संघीय समाजवादी फोरमले संयुक्त रुपमा एकल चुनाव चिन्ह एक हातले समातेको मसाल प्रयोग गरेर स्थानीय तह निर्वाचनमा जाने सम्झौता गरेसँगै पार्टीले चुनावी अभियान तीव्र बनाएको हो ।
उम्मेदवाहरुको टुंगो लगाउने क्रममा रामेछाप र सिन्धुपाल्चोक जिल्लाका गाउँपालिका तथा नगर पालिकाहरुमा नयाँ शक्ति र संघीय समाजवादी फोरमले आफ्ना उम्मेवार चयन गरेका छन् ।
२ नगरपालिका र ६ गाउँपालिका रहेको रामेछाप जिल्लाको २ वटै नगरपालिकाको उम्मेदवार छनौट गरिसकेको नयाँ शक्ति पार्टी नेपालका रामेछाप जिल्ला संयोजक रोमन लामाले जानकारी दिएको छ ।
करीब दुई दशकपछि हुन लागेको स्थानिय तह निर्वचनमा राजनैतिक पृष्ठभुमिबाट मात्र नभई गैर राजनितिक पृष्ठभूमि भएका आकांक्षीहरु पनि धेरै रहने हुनाले उम्मेदवार छनौट प्रक्रिया पनि प्रतिस्पर्धी बन्न पुगेको लामा बताउँछन् ।
रामेछाप नगरपालिकामा संघीय समाजवादी फोरमका मिन बहादुर तामाङलाई नगर प्रमुखको उम्मेदवार चयन गरेको छ भने उपप्रमुखमा नयाँ शक्तिकी रिता कार्कीलाई चयन गरेको छ । त्यसैगरी मन्थली नगरपालिकामा नगर प्रमुखको उम्मेदवार राम बहादुर तामाङ र उपप्रमुखमा सविना तामाङलाई छनौट गरेको संयोजक लामाले बताए ।
निर्वाचनमा सहजताका लागि १५ सदस्यीय निर्वाचन परिचालन समिति, ७ सदस्यीय स्थानीय घोषणापत्र मस्यौदा समितिसहित रणनीति र स्थानीयस्तरको आवश्यक समितिहरु निमार्ण गरिने रामेछाप जिल्लाका उत्प्रेरक रबिन्द्र थिङले बताए ।
त्यसैगरी नयाँ शक्तिले दोरम्बा, सुनापति गाउँपालिकाको उम्मेदवारको छनौट पनि अन्तिम चरणमा पुगेकोले भोलि (सोमबार) बिहान सबै उम्मेदवार टुंग्याएर सार्वजनिक गर्ने संयोजक लामाले बताए । कूल ६३ वटा वडा रहेको जिल्लामा खाँडादेबी, दोरम्बा, सुनापति, उमाकुण्ड, लिकु र गोकुल गंगा सहित छ गाउँपालिका रहेका छन् ।
यसैबिच सिन्धुपाल्चोक जिल्लाको लागि आधिकारिक हस्ताक्षरसहितको टिकट लिएर केही उम्दवारको छनोट गरिसकेको नयाँ शक्ति सिन्धुपाल्चोकले जनाएको छ । मेलम्ची, चौतारा साँगाचोक गढी र बाह्रविसे गरी तीन नगरपालिका र ९ गाउँपालिका रहेको सिन्धुपाल्चोकको मेलम्ची नगरपालिकामा राजु चौलागाई प्रमुख तथा उपप्रमुखमा विन्दा आचार्यलाई छनौट गरिएको जिल्ला संयोजक भिम प्रसाद पराजुलीले बताए ।
त्यस्तै चौतारा साँगा गढी नगरपालिकाको प्रमुखमा रेशम गिरी र उपप्रमुखको उमेदवारमा विष्णु बिकको नाम छनौट गरिएको संयोजक पराजुलीले जानकारी दिए । जिल्लामा अभियन्ताहरु पार्टीको नीति सिद्धान्त अनुरुप परिचालित गरिएको साथै स्थानीय तह निर्वाचन सम्बन्धी हाते पर्चा, निर्वाचन सम्बन्धी जानकारीसहित बाह्रविसे, मेलम्ची र सुकुटेलाई केन्द्र बनाएर अभिमुखिकरण कार्यक्रम गरेको छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने