असार २५, काठमाडौं– स्थानीय तह निर्वाचनको नतिजा अन्तिम चरणमा पुगेसँगै राजनीतिक दलहरु आन्तरिक चुनावी समिक्षामा जुटेका छन् । माओवादी केन्द्र र चौथो राजनीतिक दल राप्रपाबाहेका प्रमुख दलहरुले औपचारिक रुपमा चुनावी समिक्षा बैठक भने बोलाइसकेका छैनन् ।
दलहरुमा हारजितको समिक्षा चलिरहेका बेला पहिलो र दोस्रो चरणमा सम्पन्न स्थानीय तहको घोषित निर्वाचन परिणाममा नेकपा एमालेले सवैभन्दा बढि तह जितेर पहिलो स्थान बनाउन सफल भएको छ । माओवादी केन्द्र र कांग्रेस नेतृत्वको सरकारले गराएको निर्वाचनमा एमाले पहिलो शक्तिका रुपमा उदाएपछि कांग्रेस र माओवादी केन्द्रलाई भने स्वाभाविक रुपमा टाउको दुखाईको विषय बनेको छ ।
पहिलो चरणको २८३ र दोस्रो चरणको ३३४ स्थानीय तहमध्ये एमालेले पहिलो चरणमा १२५ र दोस्रो चरणमा १४८ स्थानीय तह जित्दा जीतसंख्या २७३ पर्याउदै एमालेले अग्रता कायम गर्न सफल भएको छ ।
दुवै चरणमा निर्वाचन भएका ६१७ स्थानीय तहमध्ये पहिलो चरणको भरतपुर महानगरपालिका र दोस्रो चरणमा निर्वाचन भएका तीन तहको अन्तिम परिणाम आइनसकेपनि संख्यात्मक रुपमा एमालेले जितेको संख्या भेट्टाउन अरु कुनैपनि दललाई मुस्किल हुने देखिएको छ ।
गणितिय हिसाबमा दुवै चरणको परिणाम जोड्दा दोस्रो स्थान बनाएको नेपाली कांग्रेस एमाले भन्दा ४६ स्थानले कम छ । उसले पहिलो चरणमा १०५ स्थानीय तह र दोस्रोमा १२२ तहमा जित हासिल गर्दा जम्मा २२७ स्थानीय तहमा आफ्नो झण्डा गाड्न सफल भएको छ ।
त्यस्तै तेस्रो स्थानमा रहेको माओवादी केन्द्र र पहिलो स्थान बनाएको एमालेबीचको स्थानीय तह संख्याको फरक १८९ हुन पुगेको छ । अर्थात् माओवादी केन्द्र भन्दा एमाले १८९ तह बढि जित्न सफल भएको छ । यो संख्याले तेस्रो चरणमा हुने स्थानीय तहको सवै संख्या मओवादी केन्द्रले जितेपनि एमालेलाई पछि पार्न नसक्ने पक्का छ । त्यस्तै कांगे्रस र माओवादीबीचको संख्या पनि फराकिलो नै छ । पछिल्लो परिणाम अनुसार मओवादी र कांग्रेसवीच पनि १४३ को फरक छ । मुलुकका ७४४ स्थानीय तहमध्ये बाँकी आठ जिल्लाका १२७ स्थानीय तहको भने आगामी असोज २ गतेमात्रै निर्वाचन हुदैछ । तेस्रो चरणमा हुने निर्वाचनमा एमाले बराबर हुन अहिलेकै अवस्थामा पनि कांग्रेसले ४६ स्थान जित्नुपर्छ ।
तर, कांग्रेसले त्यतिका संख्यामा जित हासिल गर्दा एमालेले पनि थप संख्या बढाउने निश्चित नै छ । मधेसमा खासगरी चारपक्षिय नतिजा आउने अनुमान गरिएको छ । मधेसवादी दल राजपा, कांग्रेस, एमाले र माओवादीबीच तह बाडिँने भएकाले यो घाटा पुर्ति गर्न कांग्रेसका लागि कठीन छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
