२९ जेठ, काठमाडौं । नेपाली कांग्रेसका नेता प्रकाशमान सिंहले पार्टीभित्रका नेता कार्यकर्ताको मूल्यांकन गर्न अनिवार्य भइसकेको बताएका छन् । काठमाडौंमा भएको एक कार्यक्रममा नेता सिंहले कांग्रेसमा सबैले सबैलाई चिन्नु पर्ने समय आएको बताए ।
काठमाडौं महानगरपालिकासहित देशका १० वटा नगरपालिकामा कांग्रेसका उम्मेदवार पराजित हुनुको कारण खोज्नु पर्ने उनको भनाई थियो । नेता सिंहले पार्टीभित्रको अन्तरघातका कारण कांग्रेसका उम्मेदवारहरूले अधिकांस स्थानमा पराजय भोग्नु परेको बताए ।
‘पार्टीभित्रका साथीहरूलाई चिन्नु पर्यो अब । हाम्रै मूल्यांकन गर्नुपर्छ । सही के हो ? सत्य के हो ?, उनले भने, ‘कांग्रेसभित्र सत्ताको राजनीतिका लागि बढी केन्द्रित भएको देखियो, मूल्य र मान्यताभन्दा पनि सत्ताको राजनीतिमा केन्द्रित हुन थाल्यो । त्यसले संगठनमा ह्रास हुँदै गइरहेको छ ।’
उनले यस्ता बिकृतिलाई पार्टीभित्र कसरी निमिट्यन्न पार्ने भनेर चिन्ताको विषय बनेको बताए । ‘प्रतिपक्षी एमालेसँग लड्ने क्षमता हामीसँग छ, कांग्रेस नेता सिंहले भने, ‘पार्टीभित्र लड्न सकिँदैन । गाह्रो भइसक्यो ।
निर्वाचनका बेला रुखमा भोट नहाल्ने कांग्रेसी पनि रहेको बताउँदै उनले भने, ‘३६५ दिनमा कांग्रेस हुने । तर, भोट हाल्ने बेला अरु निर्वाचन चिन्हामा भोट हालेको देखियो ।’
कांग्रेसभित्र राम्रलाईभन्दा हाम्रालाई प्राथमिकता दिइएको भन्दै उनले घरपरिवारकालाई अवसर दिने परम्पराको अन्त्य हुनै पर्ने बताए । ‘संघर्ष गर्दा अरुले गरिदिओस् भन्ने, अवसर लिँदा मैले मात्रै लिनुपर्छ भन्छन् यो परम्परा अन्त्य भएन भने त्यसले कांग्रेसलाई नोक्सान गर्छ, उनले भने ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने