आजका पत्रपत्रिकाका फ्रन्टपेज

२७ जेठ, काठमाडौं । मधेसकेन्द्रित दलले लामो समयदेखि माग गर्दै आएको संविधान संशोधन पछि धकेलिएको छ । प्रधानमन्त्री शेरबहादुर देउवाले दोस्रो चरणको स्थानीय निर्वाचनपछि मात्रै संविधान संशोधन हुने बताएको आजका पत्रपत्रिकाहरुले लेखेका छन् । पत्रपत्रिकाको प्राथमिकतामा दोस्रो चरणको स्थानीय चुनाव पनि परेका छन् । निर्वाचन आयोगले दोस्रो चरण निर्वाचनलाई तीव्रता दिएको सामग्र पनि आजका पत्रपत्रिकाहरुमा छन् ।

गोरखापत्रले संविधान संशोधन चुनावपछि हुने भनेर प्रधानमन्त्री शेरबहादुर देउवाले व्यक्त गरेको भनाइलाई मुख्य खबर बनाएर छापेको छ । गोरखापत्रमा वर्षा सुरु भए पनि मनसुन सुरु नभएकादेखि राजपालाई निर्वाचनमा भाग लिन बाटो खुलेकासम्मका खबर छन् ।

नयाँ पत्रिका दैनिकले स्थानीय तहका प्रमुख–अध्यक्षका अधिकारबारेको सामग्रीलाई मुख्य खबर बनाएर छापेको छ । नयाँ पत्रिकाले भारत–अमेरिकाले प्रचण्डको वैदेशिक नीतिको निरन्तरता चाहेको खबरसँगै मेलम्चीको ट्यांकी र पाइपमा सेन्सर राखिने लेखेको छ ।

राजधानी दैनिकले निर्वाचनले सामाजिक सद्भाव मात्रै होइन, श्रीमान–श्रीमतीको सम्बन्ध नै बिच्छेद भएको लेखेको छ ।

कान्तिपुरले निर्वाचनपछि संविधान संशोधन हुने लेखेको छ भने अन्नपूर्ण पोस्ट दैनिकले राजपा नेतृत्वमा अझै धरमर रहेको सामग्री छापेको छ ।