गाउँघरमा काम गर्दा गर्दा साहै्र गाह्रो भयो । आज त्यही काम भोली त्यही काम गर्न दिक्क लाग्न थाल्यो । कुरा २०५५ सालको हो ।
त्यसपछि म ‘देशपनि हेरिने मुख, पनि फरिने’ भन्दै वैदेशिक रोजगारीको चक्करमा लागें । एजेन्ट कैलाश केसीलाई ६५ हजार रुपैयाँ बुझाएँ । फर्निचरको काममा मासिक ५ सय रियाल तलव भनिएको थियो ।
तर म नरेन्द्र राईको पासपोर्टमा बंगलादेश पुगें । बंगलादेश पुगेपछि ६ महिना सम्म परिवार लाई केहि थाहा थिएन । ६ महिना सम्म उसिना चमलको भात, आलु र भेन्टाको तरकारी खाँदै दुःखले बसियो बंगलादेशमा । अब त यसै बित्ने रहेछ जीवन भनेका बेला ६ महिला पछि साउदी पुर्यायो ।
साउदीमा १२ सय भेडा गोठालो गर्ने गर्नु पर्यो । भाषा बोल्न नआएपछि म यो काममा आएको होइन भन्न पनि सकिंन जे जे भन्छ त्यसै त्यसै मात्रै गरें ।
आगोको भुंग्रो जस्तो गर्मी । वालुवामा भेडा गोठालो गराई । खबुस (रोटी) को भरमा । त्यहि पनि भनेको समयमा खान पाए त हुने नी ! धेरै छाक एकै चोटी ल्याइदिन्थ्यो । खबुस सुरुमा नरम हुन्थ्यो र मिठै पनि लाग्थ्यो ।
तर धेरै दिन भए पछि टोक्नै गाह्रो । के गर्नु परदेशको ठाउँमा रुदै साश अल्झाउँनै भए पनि खानै पथ्र्यो ।
मरुभूमिमा एक्लै भेडा कुदाउँदा गाउँघरको साह्रै याद आउँथ्यो । बोल्ने कोही साथी थिएनन् भेडासँगै दिन रात काट्नु पथ्र्यो ।
साहुलाई तलबको कुरा गर्दा अर्काे महिना दिन्छु भन्दै खाली टाथ्र्यो । साउदी पुगे पछि परिवारको चिठी एक पटक हात परेको थियो । त्यतिबेला साह्रै खुसी भएँ ।
भेडा चराउँदै जाँदा ७ महिनापछि रामेछापका एक जनालाई भेटें । त्यो दिनको खुसी अझै सम्झना छ । तर भेडा कुदेपछि उहाँसित लामो कुरा गर्ने समय मिलेन ।
मलाई यस्तो काममा बस्न मन नलागेपछि साहुलाई घर पठाइदे भन्थें । मेरो दिनरातको बिन्तिपछि साहुले एक वर्ष पुगेपछि पठाउने कुरा गर्यो । तर महिनाको ३ सय ५० रियाल १० महिनाको मात्रै तलब दिने सर्तमा ।
साउदी बसुन्जेल दुई छाक मात्रै भात खाएको थिएँ । अरु धेरै कुरा गर्नु थिएन । मलाई जसरी पनि घर फर्किनु थियो, हुन्छ भनें ।
अरु त विदेशबाट आउँदा सुकिला मुकिला भएर फर्किन्छन् । म त जाँदाभन्दा थोत्रा लुगा लाएर घामले डढेर फर्किएँ । मेरो त साउदी बसाई कष्टकर रह्यो ।
जमनै त्यस्तो थियो । अहिले जस्तो सहयोग गर्ने संघ संस्था पनि थिएनन् । अचेल त विदेश जान लागेकाहरुलाई दिक्तेलमा रहेको सूचना तथा परामर्श केन्द्रमा बुझेर, सिप तालिम लिएर मात्रै जानु भन्छु । मैले जसरी दुःख नपाउन् ।
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
साउन २८, काठमाडौं । त्रिभुवन विमानस्थल भन्सार कार्यालयले विदेशबाट आउने यात्रुका लागि मालवस्तुको स्वघोषणा कक्ष सञ्चालनमा
८ वैशाख,काठमाडौं। बितेको २०७९ सालमा वैदेशिक रोजगारिमा जाने नेपालिहरुको संख्या सात लाख नाघेको छ। गत
१५चैत,काठमाडौं । वैदेशिक रोजगार बोर्डले आजबाट टेलिमेडिसिन सेवा सुरु गरेको छ। वैदेशिक रोजगारीमा गएका
९ चैत,काठमाडौँ । मानव तस्करीका गिरोहले दुबईमा बेचिएकी नेपाली चेलीको उद्दार गरिएको छ । सुर्खेतको
१६ फागुन, काठमाडौं । प्रवासी नेपाली मञ्च अन्तर्राष्ट्रिय कमिटीले प्रधानमन्त्री पुष्पकमल दाहाल प्रचण्डप्रति खेद व्यक्त
