सर्लाहीको मुसहर बस्तीमा कालाजार फैलियोः ८ को मृत्यु, १३ बिरामी

1688554964kalifecycle३१ चैत।सर्लाही– सर्लाहीमा कालाजार रोग फैलिएको छ। रोगका कारण ८ जनाको मृत्यु भैसकेको छ भने १३ जना बिरामी भएका छन्।

सर्लाहीको ईश्वरपुर राइटरखोरमा कालाजारकै कारण ८ जनाको मृत्यु भएको काठमाडौंबाट गएको स्वास्थ्य टोलीले पुष्टि गरेको छ । बिरामीको भने जिल्ला अस्पताल मलंगवामा उपचार भैरहेको छ।

स्वास्थ्य टोलीले जिल्लामा दिएको जानकारी अनुसार कालाजारका कारण एकै परिवारका तीन जनाको मृत्यु भएको छ भने सोही परिवारको अर्का एक जनामा पनि कालाजार देखिएको छ। टोलीले दिएको जानकारी अनुसार एकै परिवारमा मृत्यु हुनेमा ६० वर्षीय मखन माझी, उनका ३० वर्षीय छोरा मेघो माझी, २५ वर्षीया बुहारी जहरी माझी छन्। सोही परिवारका १३ वर्षीय दिपेशलाई पनि रोगले सताएको छ। उनको मलंगवा अस्पतालमा उपचार भैरहेको छ।

कालाजारकै कारण सोही टोलका ५० वर्षीय नथुनी माझी, उनका २३ वर्षीय छोरा विक्रम माझी छन्। विक्रमकी २० वर्षीया श्रीमती पानबती माझीलाई पनि रोगले सिकिस्त बनाएको टोलीले जानकारी दियो।
यसैगरी, विलास माझी र भुट्टा माझीको पनि मृत्यु भएको छ। उपचारका लागि अस्पतालमा ल्याइएकी राम दुलारी माझीको पनि सोमबार साँझ मृत्यु भएको टोलीले प्रमुख जिल्ला अधिकारी प्रदीपराज कँडेलले जानकारी दिए।

कँडेलका अनुसार मर्ने सबैमा एकै प्रकारको लक्षण देखापरेको छ । उनीहरूलाई पेट फुल्ने, टाउको फुल्नेलगायत लक्षणले साह्रो पारेको थियो ।

रोगले गाउँले थलिएपछि उनकै पहलमा बिरामीहरु दीपेश माझी, राजेश माझी, परीक्षण माझी, सन्नी माझी, रिंकु माझी, दशैं माझी, रविन माझी, रविन मल्लिक, सञ्जय मल्लिक, कशमिरा थापा मगर, मानो माझी, पानवती माझी र चाँदनी पासवानलाई अस्पताल भर्ना गरिएको छ ।

झुल नहाल्ने, खाना छापेर नराख्ने र जनचेतना अभावले पनि कालाजार भएको हुनसक्ने अनुमान गरिएको छ।

यो रोग एक प्रकारको भुसुनाको टोकाइबाट सर्ने गर्दछ। कालाजारको परजीवीले सबैभन्दा बढी शरीरका महत्त्वपूर्ण र संवेदनशील अंगमा प्रभाव पार्छ। रोगीलाई टोकेको भुसुनाले स्वस्थ मानिसलाई टोकेमा यो रोग सर्छ। यस्ताखाले भुसुना गोबरमाटोले लिपेर ओसिलो भएको घरको भित्ताका चिरा र प्वालमा बस्ने गर्छन्।

गाईभैंसीको गोठ, फोहोरमैला थुप्रिएको ठाउँ, दाउरा राख्ने ठाउँ, मुसाको दुलो आदिमा यस्ता भुसुनाले फुल पार्छ। रासस

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को

गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय

११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने