एजेन्सी – दक्षिणी चीनमा आएको शक्तिशाली सामुन्द्रिक आँधीका कारण कम्तीमा १२ जनाको मृत्यु भएको छ । १ सय ६० किलोमिटर प्रतिघण्टाको बेगमा आएको हाटो नामक आँधी हिजो दिउँसो ग्वाङडुङ प्रान्तको जुहाइ शहरमा प्रवेश गरेको थियो ।
आँधीका कारण मकाउमा आठजनाको र चिनियाँ मुख्य भूभागमा चारजनाको ज्यान गएको हो । १ सय ५३ भन्दा बढी मानिस घाइते भएका छन् । सामुन्द्रिक आँधीले बाढी नै बस्तीमा पसेपछि ठूलो क्षति भएको हो ।
बिजुली आपूर्ति बन्द भएको छ । चिनियाँ सञ्चारमाध्यहरुका अनुसार मुख्य भूभागबाट २७ हजार मानिसलाई सुरक्षित स्थानमा सारिएको छ । आँधी मकाउतर्फ मोडिने क्रममा एउटा पर्खाला भत्किएर थिच्दा एक व्यक्तिको मृत्यु भएको थियो ।
अर्का एक व्यक्तिको घरको ११ औं तलाबाट खसेर मृत्यु भएको चीनको सरकारी समाचार संस्था सिन्ह्वाले जनाएको छ । अधिकारीहरुले बाढीपहिरो लगायत प्रकोप आउन सक्ने भन्दै सजग रहन निर्देशन दिएका छन् ।
आँधीसँगै आएको बाढीले ६ सय ६४ हेक्टर खेतीयोग्य जमिन पनि नष्ट गरेको छ ।
