यसरी मनाइयो उपत्यकामा नागपञ्चमी र रक्षाबन्धन

श्रावण १३, २०७४- घरको मूलढोकामाथि नागको चित्र टाँसी पूजाअर्चना गर्दै शुक्रबार नागपञ्चमी मनाइयो । रोपाइँका लागि पानी पार्न नागहरुले सहयोग गरेको र अब रोपाइँ सकिएकाले नागहरुप्रति कृतज्ञता ज्ञापन गर्न त्यसरी पूजाअर्चना गर्ने चलन रहेको जनविश्वास छ । यस दिन विशेष गरी अष्टनाग अनन्त, वासुकी, पद्मनाभ, महापद्मनाभ, तक्षक, कुलीर, कर्कट र शंखपाल नागलाई पूजा गरिन्छ । ललितपुरको धापाखेल, कर्कोटक नागको बासस्थान टौदह र नक्सालको नागपोखरीमा विशेष मेला लागेको छ । 

त्यसै गरी बिहान सबेरै घरमा लिपपोत गरी शुद्ध गरेपछि कुनै प्रकारको रोगव्याधि नलागी सधैं सुख र शान्तिहोस् भन्ने कामनासहित ब्राह्मण पुरोहितद्वारा नाडीमा रक्षाबन्धन पनि बाँधेका छन् । रक्षाबन्धन बाँध्दा दैत्यराज बलिको दानशील र सत्यनिष्ठा स्मरण गराउने मन्त्रवाचन गर्ने गरिन्छ । तागाधारीले पुरानो जनै फालेर मन्त्र साधना गरिएको नयाँ जनै लगाएका छन् ।

भक्तपुरवासी नागपञ्चमी मनाउँदै

 

 

photo

NOC1-250x300